<p>25 წლის "ბორჯღალოსანი" ბექა გორგაძე ტრავმით გამოწვეული ერთწლიანი იძულებითი შესვენების შემდეგ გუნდს დაუბრუნდა და 14 ნოემბერს ბორდოში, საფრანგეთთან გასამართი მატჩისთვის ემზადება.</p><p>ბექამ, რომლის ანგარიშზე 31 კეპი და 7 ლელოა, ნაკრების კვართით ბოლოს შარშან ნოემბერში, "შემოდგომის ერთა თასზე" ირლანდიის წინააღმდეგ ითამაშა და ჯვარედინი მყესებიც ამ შეხვედრაში დაიზიანა. მას ოპერაცია შარშან, 9 დეკემბერს ჩაუტარდა და მოედანს უკვე "პოს" მოთამაშის რანგში დაუბრუნდა, სადაც საქმეები კარგად აეწყო და უკვე 7 ოფიციალურ მატჩში მიიღო მონაწილეობა.</p><p>"საბედნიეროდ, მოსამზადებელი პერიოდიდან დაწყებული, ყველაფერი ისე და იმაზე უკეთ განვითარდა, ვიდრე ველოდი და შედეგმაც არ დააყოვნა. მიუხედავად იმისა, რომ ფორმის პიკში არ ვიყავი და თავდაჯერებულობის დასაბრუნებლად საკმაოდ დიდი დრო დამჭირდა, პირველივე ამხანაგური მატჩიდან შევძელი გუნდში ადგილის დამკვიდრება და მხრის ტრავმის მიღებამდე ყველა შეხვედრაში მივიღე მონაწილეობა. ეს ჩემთვის მოულოდნელი იყო, თუმცა ამაში იმანაც შემიწყო ხელი, რომ გუნდში ძალიან კარგი სიტუაციაა და უმოკლეს დროში შევძელი ინტეგრირება", - ამბობს გორგაძე, რომელიც მომავალ თამაშებს საუკეთესო ფორმაში ხვდება:</p><p><p><p>"მხრის ტრავმა წარსულს ჩაბარდა და მას შემდეგ ტოპ 14-ში სამჯერ ვითამაშე. ახლა სრულად ვარ გადართული სანაკრებო მატჩებზე და მაქსიმუმს გავიღებ, რათა კარგი შეხვედრები ჩავატარო. "პოში" საკმარისი სათამაშო დრო მქონდა და მიმაჩნია, რომ საუკეთესო ფორმაში ვარ. ბოლო კვირაში ნაკრების წევრებს ტოპ 14-ში არ გვითამაშია, უკვე შეკრებაზე ვიყავით და ამ მხრივაც დასვენებულები ვართ".</p></p></p><p><p><p>გორგაძის აზრით, მომავალ თამაშებს მთელი გუნდი კარგ ფორმაში ხვდება, რისი მიზეზიც ტრავმირებული მოთამაშეების დაბრუნება, მიმდინარე სეზონში ლეგიონერებისთვის საკმარისი სათამაშო დრო და ოპტიმალურთან მაქსიმალურად მიახლოებული შემადგენლობაა:</p><p>"ვფიქრობ, მთელი გუნდი კარგ ფორმაშია. "შავი ლომის" არსებობა გუნდს სასიკეთოდ უკვე დაეტყო. თბილისის ჯგუფში შემავალი მოთამაშეები გაცილებით შეთამაშებულები არიან, ვიდრე აქამდე იყვნენ ხოლმე. მათ რამდენიმე თვე ჰქონდათ ერთად მოსამზადებლად, თამაშებიც ჩაატარეს და დარწმუნებული ვარ, ეს შედეგზეც აისახება. ჩვენთვის, ლეგიონერებისთვისაც, გაცილებით მარტივი იყო ადაპტაცია, რადგან თბილისის ჯგუფს უკვე გავლილი ჰქონდა სათამაშო და აუტების სისტემა, რაც პროცესს ამარტივებს.</p><p>სამწუხაროდ, ბოლო მომენტში დაშავდა გელა აფრასიძე, თორემ ტრავმების მხრივაც ოპტიმალურ სიტუაციაში ვიყავით. ლეგიონერებს მიმდინარე სეზონში საკმარისი სათამაშო დრო გვაქვს და ეს ხარისხზეც აუცილებლად აისახება. რაც უფრო მეტი დრო გადის, მით უფრო ვერგებით კლუბებს, რაც ნაკრების შემდგომი პროგრესისთვის მნიშვნელოვანია. ჩვენი მიზანიც სწორედ ესაა, რომ მაღალ დონეზე რეგულარულად თამაშით მოპოვებული გამოცდილება ნაკრების წინსვლას მოვახმაროთ".</p><p><strong>ისტორიული მატჩის მოლოდინში</strong></p></p> <p><p></p><p>"ბორჯღალოსნები" საფრანგეთს ისტორიაში მეორედ ხვდება, მაგრამ პირველად მსოფლიო თასს მიღმა. "ლე ბლეს" პირველად 2007 წლის მსოფლიო თასზე, მარსელში ვეთამაშეთ და მაშინ მასპინძლებმა 64:7 მოიგეს. მას შემდეგ 14 წელი გავიდა და ფრანგებს "შემოდგომის ერთა სერიების" ეგიდით 14 ნოემბერს, ჩვენი დროით 17:00 საათზე "სტად მატმუტზე" ვერკინებით. აღსანიშნავია, რომ "პოში" გადასვლამდე გორგაძე სწორედ ამ სტადიონის ბინადრის, "ბორდოს" ღირსებას იცავდა.</p><p>"ამ ისტორიულ თამაშს ყველა მოუთმენლად ველოდებით. საფრანგეთის ნაკრების ეს თაობა ბრწყინავს თანამედროვე რაგბიში და ეს ზაფხულში ავსტრალიაშიც დაამტკიცეს, როდესაც "ვოლაბებთან" ისტორიული გამარჯვება მოიპოვეს. მათი თამაშის ხარისხით და შედეგებით თუ ვიმსჯელებთ, 2023 წლის მსოფლიო თასზე, რომელიც საფრანგეთში ტარდება, მასპინძლები ერთ-ერთი ფავორიტები არიან. კონტრშეტევაზე და არეულ თამაშში ყველა მათგანი საფრთხეს წარმოადგენს და დიდი გამოცდა გველის.</p><p>მეორე მხრივ, ესაა თაობა, რომლის წინააღმდეგაც 20-წლამდელთა ნაკრებში არაერთხელ გვითამაშია. გარდა ამისა, ეს ბიჭები ტოპ 14-ში ჩვენი თანაგუნდელები არიან და მათი თამაშის სტილი ჩვენი საკუთარი ხუთი თითივით ვიცით. ეს ჩვენთვის ერთგვარი სტიმულია, რადგან ვიცით, რომ ბევრ რამეში შეგვიძლია მათთვის წინააღმდეგობის გაწევა. მნიშვნელოვანი იქნება საწყისი წუთები და პირველი კონტაქტები. ფრანგებმა საწყის წუთებში თუ დაგჩაგრეს, მერე თამაშის მსვლელობა სრულად იცვლება. ამიტომ საწყისი სასტვენიდანვე უნდა ვიყოთ აგრესიულები.</p><p>პირადად ჩემთვის ეს ნაცნობი ქალაქი და გარემოა, რაც სტიმულს კიდევ უფრო მმატებს. მოედანზე საბრძოლველად გავდივართ და მაქსიმუმს გავიღებთ, რათა გულშემატკივრებმა და ჩვენმა ოჯახებმა იამაყონ".</p><p>საფრანგეთთან ჯახის შემდეგ "ბორჯღალოსნები" ესპანეთში გადაინაცვლებს, სადაც 20 ნოემბერს არანხუესში ფიჯის ერკინება - გუნდს, რომელმაც 2019 წლის მსოფლიო თასზე გვაჯობა და რომელსაც დიდი ალბათობით, 2023 წლის მსოფლიო თასზეც შევხვდებით:</p><p>"2019 წლიდან მოყოლებული, ფიჯისთან დაპირისპირება ჩვენთვის განსაკუთრებული მნიშვნელობისაა. სამწუხაროდ, ვერც იაპონიაში და ვერც შარშანდელ "შემოდგომის ერთა თასზე" ვერ შევძელით მათი დამარცხება. ვიყოთ რეალისტები და ასეთი კომპლექტაციის ფიჯის დამარცხება იოლი არ იყო, ახლა კი ამის შანსი კიდევ ერთხელ მოგვეცემა. ცოტა შორსაც თუ გავიხედავთ, მომავალ მსოფლიო თასზეც, დიდი ალბათობით, კვლავ ფიჯისთან მოგვიწევს შეხვედრა და ეს მატჩი ამ მხრივაც მნიშვნელოვანია.</p><p>ამ ეტაპზე საფრანგეთისთვის ვემზადებით, მერე კი ვნახავთ, როგორ ითამაშა ფიჯიმ ესპანეთის წინააღმდეგ, რას იზამს უელსთან და რადგან მოსამზადებლად მოკლე კვირა გვაქვს, ალბათ, დიდ დროს დავუთმობთ ვიდეოანალიზებს. ფაქტი ისაა, რომ პრინციპულ მეტოქესთან ღირსეულად სათამაშოდ მაქსიმალური მობილიზებით მოვემზადებით".</p></p></p><p><p><p><strong>rugby.ge</strong></p></p> <p><p><strong></p><p></strong></p></p> <p><p><strong> </strong> <p></p></p><br></p>
გლახუნა
მიდით ლ ო მ ე ბ ო - თავიდანვე აგრესიით, მერე 10 წუთი ბურთაობა, მით დასვენება... მერე ისევ აგრესიით ბოლომდე - ბურთი ა რ დაუთმოთ , ხშირად არ გადაუგდოთ, მით შეტევების საშუალება არ მისცეთ , საკმაოდ სწრაფები არიან...
"ბორჯღალოსნები" | ექვსი ცვლილება ჩემპიონთა ჯახში
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
კვარაცხელიას ტრავმის გამო - პსჟ-მ შეიძლება ბრაზილიელი შემტევი დაიმატოს
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
ყაზახებმა ქართველებისთვის კარგად ნაცნობი ჯონ ვან'ტ სხიპი დანიშვნიდან 3 თვეში დაითხოვეს
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა
ბექა გორგაძე: შეცდომების დაშვების უფლება არ გვაქვს
"ბორჯღალოსნები" | შემადგენლობა მე-300 მატჩისთვის
"ბორჯღალოსნები" | კაპიტნის ვარჯიში ტონგამდე
რაგბი ევროპა | მზადება ნიდერლანდებისთვის, ბექა გორგაძესთან ერთად
"რათა შეცდომები არ განმეორდეს" - რა ითქვა აშშ-სთან მატჩის შემდეგ
პიერ-ანრი ბრონკანი: ვფიქრობ, სწორი მიმართულებით მივდივართ
რიჩარდ ქოქრილი: ჩვენგან იტალიაზე ზეწოლა იქნება - ჯგუფიდან გასვლა რეალისტურია
ბექა გორგაძე: ამ ყველაფრის გადაყლაპვა ძალიან რთულია
"ბორჯღალოსნები" | ექვსი ცვლილება ჩემპიონთა ჯახში
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
ბექა გორგაძე: შეცდომების დაშვების უფლება არ გვაქვს