"ბორჯღალოსნები" - ფიჯისთან უფრო ახლოს

AutoSharing Option
მსოფლიო რაგბის განახლებულ რეიტინგში საქართველო მე-12 ადგილზეა და რადგან სანაკრებო თამაშები დასრულებულია, წლის ბოლომდე არაფერი შეიცვლება.

20 ნოემბერს არანხუესში (ესპანეთი), ფიჯისთან 15:15 დასრულებული შეხვედრის შემდეგ, "ბორჯღალოსნებმა" 0,29 სარეიტინგო ქულა მიიღო, ამდენივე დააკლდა ფიჯის და შესაბამისად, გუნდებს შორის სხვაობა შემცირდა. ამჟამად საქართველოს ჯამში 74,02, ხოლო მე-11 პოზიციაზე მყოფ ფიჯის 76,32 ქულა აქვს.

2021 წლის განმავლობაში "ბორჯღალოსნებმა" 8 თამაში გამართეს - რაგბი ევროპის ჩემპიონატზე მოიგეს ხუთივე და მე-13-ედ გახდნენ ტურნირის გამარჯვებული; ერთი ფრედ დაასრულეს (ფიჯისთან) და დათმეს ორი - მსოფლიოს ჩემპიონ სამხრეთ
აფრიკასთან პრეტორიაში 9:40 და საფრანგეთთან ბორდოში 15:41.

რეიტინგში პირველ ადგილზე სამხრეთ აფრიკაა, რომელმაც "ოლ ბლექსის" მარცხებით ისარგებლა. ევროპულ ნაკრებებს წარმატებული ნოემბერი ჰქონდათ და მათ რეიტინგში სამხრეთელები შეავიწროვეს, თუმცა პირველობა ჯერ ვერ ჩამოართვეს:

მსოფლიო რაგბის რეიტინგი 2021 წლის 22 ნოემბრის მონაცემებით

სამხრეთ აფრიკა – 90,61
ახალი ზელანდია – 88,75
ინგლისი – 87,83
ირლანდია – 86,53
საფრანგეთი – 85,53
ავსტრალია – 83,92
შოტლანდია – 83,05
უელსი – 81,56
არგენტინა – 80,58
იაპონია – 78,26
ფიჯი – 76,32
საქართველო – 74,02
სამოა – 73,59
იტალია – 70,51
რუმინეთი – 67,91
ტონგა – 67,72
აშშ – 66,54
ურუგვაი – 66,40
პორტუგალია – 65,84
ესპანეთი – 65,42
კანადა – 61,80
ჰონკონგი – 61,23
რუსეთი – 60,07
ნამიბია – 59,72
ჩილე – 58,41
ნიდერლანდები – 57,60
ბელგია – 54,86
პოლონეთი – 53,81
ბრაზილია – 53,31
გერმანია – 53,15…..

rugby.ge

მკითხველის კომენტარები / 6 /
ბავშვობაში კონოებს ვუყურებდი ხოლმე ციკლოპებზე. ფიჯელები იმათ მაგონებენ. :)
....
02:26 24-11-2021
0
ისე კარგი ტრენერები არც ჩვენ გვაწყენდა როგორიც მაგალითად ინგლისს საფრანგეთს აფრიკას ახალ ზელანდიას ან თუნდაც შოტლანდიას ყავს.მაისაშილი არ არის ცუდი კაცი მაგრამ ვეღარ აკმაყოფილებს საერთაშორისო მოთხოვნებს რომ საქართველო შევიდეს 10 საუკეთესოში.
Misha
10:31 23-11-2021
6

სიახლეები პოპულარული