ბორჯღალოსნების მთავარმა მწვრთნელმა რიჩარდ კოკერილმა 17 თებერვალს ესპანეთთან გასამართი მატჩისთვის 23-კაციან განაცხადში შვიდი ცვლილება განახორციელა.2024 წლის რაგბი ევროპის ჩემპიონატის ჯგუფური ეტაპის დასკნითი შეხვედრა „ავჭალაზე“ 16 საათზე დაიწყება. თასის ნახევარფინალის საგზური ორივე გუნდს მოპოვებული აქვს და გამარჯვებული პირველ ადგილს დაიკავებს, რაც მას ფლეი ოფში საკუთარი მოედნის უპირატესობას მიანიჭენს.
გასულ შაბათს ნიდერლანდებთან ბონუსით მოგების (31:10) შემდეგ, სასტარტო შემადგენლობაში სამი ცვლილებაა, სამივე შერკინებაში.
მარქაფიდან ძირითადში დაწინაურდა ბურჯი ბექა გიგაშვილი. ზედიზედ მესამე თამაშს იწყებენ მარცხენა ბურჯი გიორგი ახალაძე და კვაჭი ვანო კარკაძე. მეორე
გერმანიასთან 28:17 მოგებული შეხვედრის შემდეგ მესამე ხაზში ბრუნდება გიორგი ცუცქირიძე. ზედიზედ მესამე თამაშს იწყებს ილია სპანდერაშვილი, შერკინების შემკვრელი კი კვლავ თორნიკე ჯალაღონია იქნება.
უცვლელია ღერძი და ხაზი. თენგიზ პერანიძე ლუკა მატკავას შეუწყვილდება. ცენტრში მერაბ შარიქაძისა და გიორგი კვესელაძის დუეტს ვიხილავთ, ფრთებზე სანდრო თოდუა და აკა ტაბუცაძე დადგებიან, ხოლო ფულბეკი მირიან მოდებაძეა.
ნიდერლანდებთან გამარჯვების შემდეგ მარქაფაში ადგილი შეინარჩუნეს კვაჭმა ლუკა ნიორაძემ, 9 ნომრის პოზიციაზე მოთამაშე მიხეილ ალანიამ, მგეზავმა თედო აბჟანდაძემ და ცენტრმა დემურ თაფლაძემ.
გიგაშვილს ადგილი გაუცვალა და ამჯერად მარქაფაშია ბურჯი ირაკლი აფციაური. გერმანიასთან მატჩის შემდეგ მარქაფაში დაბრუნდა მარცხენა ბურჯი გიორგი მამაიაშვილი. კოკერილის რაზმში პირველადაა მეორეხაზელი გრიგორ ქერდიყოშვილი და მესამეხაზელი ოთარ გიორგაძე, რომელიც ბორჯღალოსნებს მიმდინარე კვირაში შეუერთდა.
2024 წლის რაგბი ევროპის ჩემპიონატი
ჯგუფური ეტაპი. ა ჯგუფი. მესამე ტური
17 თებერვალი. თბილისი. ავჭალა. 16:00
საქართველო – ესპანეთი
საქართველო
ხაზი: 15. მირიან მოდებაძე (შავი ლომი), 14. აკაკი ტაბუცაძე (შავი ლომი), 13. გიორგი კვესელაძე (შავი ლომი), 12. მერაბ შარიქაძე (შავი ლომი, კაპ.), 11. ალექსანდრე თოდუა (შავი ლომი), 10. ლუკა მატკავა (შავი ლომი), 9. თენგიზ პერანიძე (შავი ლომი);
შერკინება: 1. გიორგი ახალაძე (ბეზიე), 2. ვანო კარკაძე (მონპელიე), 3. ბექა გიგაშვილი (ტულონი), 4. მიხეილ ბაბუნაშვილი (შავი ლომი), 5. ნოდარ ჭეიშვილი (შავი ლომი), 6. ილია სპანდერაშვილი (შავი ლომი), 7. გიორგი ცუცქირიძე (სტად ფრანსე), 8. თორნიკე ჯალაღონია (ბიარიცი).
მარქაფა: 16. ლუკა ნიორაძე (ორიაკი), 17. გიორგი მამაიაშვილი (გრენობლი), 18. ირაკლი აფციაური (გრენობლი), 19. გრიგორ ქერდიყოშვილი (შავი ლომი), 20. ოთარ გიორგაძე (მონტობანი); 21. მიხეილ ალანია (ორიაკი), 22. თედო აბჟანდაძე (მონტობანი), 23. დემურ თაფლაძე (შავი ლომი).
წყარო: Rugby.ge
