"ბორჯღალოსნებმა" რუმინეთი დიდი ანგარიშით დაამარცხეს და რაგბი ევროპის ჩემპიონატის ფინალში ითამაშებენ! [VIDEO]

2025 წლის რაგბი ევროპის ჩემპიონატის ნახევარფინალში საქართველოს ნაკრებმა საკუთარ მოედანზე რუმინეთი 43:5 დაამარცხა.

მატჩის ორივე ტაიმი "ბორჯღალოსნების" სრული უპირატესობით წარიმართა, პირველ ნახევარში ქოქრილის გაწვრთნილმა გუნდმა მეტოქე 29:0 დაამარცხა. მატჩის სურათი კი არც მეორე ტაიმში შეცვლილა.

16 მარტს თბილისში ჩასატარებელ ფინალში ჩვენი გუნდი ესპანეთს შეხვდება, რომელმაც სტუმრად პორტუგალიას 42:31 მოუგო.

თბილისი. "ავჭალა". 3 000 მაყურებელი

საქართველო - რუმინეთი 43:5 (29:0)

საქართველო

ხაზი: 15. დავით ნინიაშვილი (ლიონი), 14. აკაკი ტაბუცაძე (შავი ლომი), 13. გიორგი შველიძე (ბრივი), 12. თორნიკე კახოიძე (შავი ლომი), 11. სანდრო თოდუა (შავი ლომი), 10. ლუკა მატკავა (შავი ლომი), 9. გელა აფრასიძე (პერპინიანი);

შერკინება: 1. ნიკა აბულაძე (მონპელიე), 2. ირაკლი ქვათაძე (შავი ლომი), 3. ირაკლი აფციაური (ლიონი), 4. მიხეილ ბაბუნაშვილი (შავი ლომი), 5. გურამ ღანიაშვილი (შავი ლომი), 6. ლუკა ივანიშვილი (შავი ლომი), 7. ბექა საღინაძე (ლიონი, კაპ.), 8. ბექა გორგაძე (პო).

მარქაფა: 16. ვანო კარკაძე (მონპელიე), 17. გიორგი ახალაძე (კლერმონი), 18. ლუკა ჯაფარიძე (მონპელიე), 19. ილია სპანდერაშვილი (ვალანსი), 20. ბექა შვანგირაძე (ლიონი); 21. ვასილ ლობჟანიძე (ოიონა), 22. გიორგი კვესელაძე (გრენობლი), 23. დაჩი პაპუნაშვილი (ორიაკი).

7 ლელო: თოდუა, ტაბუცაძე, ბაბუნაშვილი, აფრასიძე, კახოიძე, ახალაძე, კვესელაძე

4 გარდასახვა: მატკავა