ფოტო: Telegraph
იაპონიაში მიმდინარე რაგბის 2019 წლის მსოფლიო თასზე ირლანდიის ეროვნულმა ნაკრებმა რუსეთის გუნდს 1 ქულაც არ მოაპოვებინა და ბონუს-ქულით დაამარცხა - 35:0.
ირლანდიელებმა პირველი ნახევარი 21:0 მოიგეს. "სამყურებმა" უკვე მე-2 წუთზე დაუდეს ლელო. პირველ ნახევარში ბრიტანელებმა ჯამში 3 ლელო დადეს. თავი კირნიმ, ო'მაჰოუნიმ და რადოქმა გამოიჩინეს. 3-ვე გარდასახვა ზუსტად სექსტონმა დაარტყა.
მეორე ტაიმის საწყის 20 წუთში რუსები მრისხანე მოწინააღმდეგეს გაუძალიანდნენ და ქულა არ მიუღიათ. 62-ე წუთზე "დათვების" ჩათვლის მოედანში ბურთი ქონვეიმ დაამიწა. 76-ე წუთზე შეხვედრის მე-7 ლელო რაინროუზმა დადო,
გარდასახვა ზუსტად კართიმ შეასრულა და მატჩის საბოლოო ანგარიშიც დააფიქსირა - 35:0.
მართალია, ჯგუფს ირლანდია ლიდერობს 11 ქულით, თუმცა "მწვანეებს" 3 შეხვედრა აქვთ ჩატარებული. მეორე ადგილზე იაპონია გახლავთ 2 გამარჯვებითა და 9 ქულით. მესამე პოზიციაზე შოტლანდია გახლავთ 5 ქულით. მე-4 სამოაა 4 ქულით, ხოლო რუსეთი ბოლო პოზიციაზეა 0 ქულით. ძალიან მნიშვნელოვანი შეხვედრა იქნება იაპონიასა და შოტლანდიას შორის. თუ იაპონიამ გაიმარჯვა, მსოფლიო თასის არსებობის მანძილზე პირველად გავა პლეი-ოფში, ხოლო თუ შოტლანდიამ მასპინძლები დაამარცხა, ძალიან დაძაბული ვითარება შეიძლება დადგეს და 3 გუნდს 3-3 მოგება დაუგროვდეს.
![რომან იარემჩუკი: რუსებივით კი არ ვტრაბახობთ, რომ ევროპირველობას მოვიგებთ [VIDEO]](/pictures/image7/f97dcfc7f8a7e7b02a7364605058aa99.jpg "რომან იარემჩუკი: რუსებივით კი არ ვტრაბახობთ, რომ ევროპირველობას მოვიგებთ [VIDEO]")
