2019 წლის რაგბის მსოფლიო თასის B ჯგუფის შეხვედრაში ტურინირის ფავორიტი ახალი ზელანდიის ნაკრები შეჯიბრის ერთ-ერთ უსუსტეს გუნდს, ნამიბიას შეხვდა და ყოველგვარი პრობლემების გარეშე დაამარცხა აფრიკელები- 71:9. აღსანიშნავია, რომ "ოლ ბლექსმა" მეტოქეს 11 ლელო დაუდო, რაც 2019 წლის მსოფლიო თასის რეკორდია.
აღსანიშნავია ის, რომ ანგარიში შეხვედრაში ნამიბიელებმა გახსნეს, მე-4 წუთზე ჯარიმა სტივენსმა გაიტანა. კუნძულელებმა ლელოთი 2 წუთში უპასუხეს, მეტოქის ჩათვლის მოედანში ბურთი რიისმა დაამიწა. 21-ე წუთზე ლელო ლინერთ-ბრაუნმა დადო, თუმცა შემდეგ ნამიბიელებმა კიდევ 2 ჯარიმა გაიტანეს და 30-ე წუთისთვის ანგარიში 10:9 გახდა ზელანდიის სასარგებლოდ. ეს ანგარიში 36-ე წუთამდე შენარჩუნდა, ამჯერად ზელანდიელების მხრიდან თავი ტაავაო მატაუმ გამოიჩინა. პირველი ტაიმის დასრულებამდე ბენ სმითმაც დადო ლელო და პირველი ტაიმი ფავორიტებმა 24:9 მოიგეს.
მეორე ნახევარი კი, ასეთი "დაძაბული" აღარ გამოდგა. ახალმა ზელანდიამ ნამიბიას კიდევ 7 ლელო დაუდო. თავი ლინერთ-ბრაუნმა, მუდიმ, რიისმა, უაითლოქმა, სმითმა, პერენარამ და ჯორდი ბარეტმა გამოიჩინეს.
მსოფლიო თასი, B ჯგუფი
ახალი ზელანდია - ნამიბია 71:9
ლელოები:
ახალი ზელანდია: რიისი (2), ლინერთ-ბრაუნი (2), სმითი (2), ტაავაო-მატაუ, მუდი, უაითლოქი, ჯორდი ბარეტი, პერენარა
ჯარიმები:
ნამიბია: სტივენსი (3)
გარდასახვები:
ახალი ზელანდია: ჯორდი ბარეტი (8)
ამ გამარჯვების შემდეგ ახალმა ზელანდიამ ჯგუფში პირველ ადგილზე გადაინაცვლა.
![მსოფლიო თასზე ბრინჯაოს მატჩში ახალმა ზელანდიამ უელსი პრობლემების გარეშე დაამარცხა [VIDEO]](/pictures/image7/c1ace7adb2578320101caeadb85783b0.jpg "მსოფლიო თასზე ბრინჯაოს მატჩში ახალმა ზელანდიამ უელსი პრობლემების გარეშე დაამარცხა [VIDEO]")
![ინგლისი ახალზელანდიელების ჰაკას დროს წესების დარღვევისთვის დააჯარიმეს [VIDEO]](/pictures/image7/53bc6f80faa1479220575c1a65564d40.jpeg "ინგლისი ახალზელანდიელების ჰაკას დროს წესების დარღვევისთვის დააჯარიმეს [VIDEO]")
![მსოფლიო თასი. B ჯგუფი: ახალმა ზელანდიამ კანადას ქულაც არ მოაპოვებინა [VIDEO]](/pictures/image7/b601d0ffc778992e6447ad42de7ad6ba.png "მსოფლიო თასი. B ჯგუფი: ახალმა ზელანდიამ კანადას ქულაც არ მოაპოვებინა [VIDEO]")
![ოპერატორი, რომელიც ბევრ მორაგბეზე უფრო სწრაფად დარბის [VIDEO]](/pictures/image7/cf48637afe5ab436af020b2ac763e71f.jpg "ოპერატორი, რომელიც ბევრ მორაგბეზე უფრო სწრაფად დარბის [VIDEO]")
