იაპონიაში მიმდინარე 2019 წლის რაგბის მსოფლიო თასზე მასპინძელმა გუნდმა 6 ერის მეორე გუნდი - შოტლანდიაც დაამარცხა 28:21 და A ჯგუფში პირველი ადგილი დაიკავა. იაპონელებმა 4-ვე შეხვედრა მოიგეს და ესეც ისტორიული შედეგია, რომ არაფერი ვთქვათ მსოფლიო თასის პლეი-ოფში გასვლაზე, რომელიც იაპონური რაგბის ისტორიაში პირველად მოხდა.
იაპონელები, რამდენიმე მონაკვეთს თუ არ ჩავთვლით, შეხვედრაში დომინირებდნენ და დამსახურებულადაც გაიმარჯვეს. შეხვედრაში პირველი ლელო ბრიტანელებმა მე-7 წუთზე დადეს, თავი ფინ რასელმა გამოიჩინა, ხოლო გარდასახვა ლეიდლოუმ შეასრულა ზუსტად. თუმცა, ამის შემდეგ იაპონელებმა პირველ ტაიმ ბრიტანელთა ჩათვლის მოედანში
ბურთი 3-ჯერ დაამიწეს. ამის გაკეთება მაცუშიმამ, ინაგაკიმ და ფუკუოკამ მოახერხეს. 3-ვერ გარდასახვა ზუსტად ტამურამ დაარტყა და მასპინძლებმა პირველი ნახევარი 21:7 მოიგეს.
მეორე ტაიმიც იაპონელების ლელოთი დაიწყო. 43-ე წუთზე დუბლი ფუკუოკამ შეასრულა, გარდასახვისას კი ტამურა არ შემცდარა. ამის შემდეგ, 6 წუთიან მონაკვთში სკოტებმა ორჯერ დაალელოვეს მეტოქე- 50-ე წუთზე ნილმა , ხოლო 56- ფაგერსონმა. ლეიდლოუ ორივე შემთხვევაში ზუტი იყო. ამ დროს, თითქოს გამოჩნდა შესაძლებლობა, რომ შოტლანდიას თამაშში დაბრუნება შეეძლო, თუმცა მატჩის დარჩენილ წუთებში ქულების მოპოვება ვერცერთმა გუნდმა ვერ მოახერხა და შეხვედრაც დასრულდა - 28:21.
იაპონიამ ჯგუფურ ეტაპზე ირლანდიას, სამოას, რუსეთსა და შოტლანდიას მოუგო, 1/4 ფინალში კი სამხრეთ აფრიკის ნაკრებს შეხვდება, რომელიც წინა მსოფლიო თასზე სენსაციურად დაამარცხა. შოტლანდიის ნაკრებთან დაკავშირებით კი, ეს მეორე შემთხვევა იყო, როცა ბრიტანელებმა მსოფლიო თასის 1/4-ფინალში გასვლა ვერ მოახერხეს. პირველად ეს 2011 წელს იყო, როცა არგენტინასთან წააგეს.
მსოფლიო თასი, A ჯგუფი
იაპონია - შოტლანდია 28:21
ლელოები
იაპონია: ფუკუოკა, მაცუშიმა, ინაგაკი
შოტლანდია: რასელი, ნილი, ფაგერსონი
გარდასახვები
იაპონია: ტამურა (4)
შოტლანდია: ლეიდლოუ (4)
ფული ბაბააა, დიიიიდი ფული, რომელიც ჩაიდო იაპონიაში რაგბის განვითარებაში!!!