იტალიის მორაგბეთა ნაკრებმა 2023 წლის მსოფლიოს თასი დამაჯერებელი გამარჯვებით გახსნა - ევროპელებმა ნამიბია, უშანსოდ, 52:8 დაამარცხეს. იტალიის გუნდმა მეტოქის ჩათვლის მოედანში ბურთი 7-ჯერ დაამიწა. თითო-თითო ლელო კანონემ, გარბიზიმ, ლამბ-კონამ, კაპუცომ, ფაივამ, ცულიანიმ და ოდოგვომ დადეს.
პირველი ტურის შემდეგ A ჯგუფს, სწორედ იტალია ლიდერობს 5 ქულით. მეორე ადგილზე 4 ქულით საფრანგეთია, რომელმაც ახალი ზელანდია დაამარცხა. ჯგუფში კიდევ ერთი გუნდი ურუგვაია, რომელსაც პირველ წრეში არ უთამაშია.
მომდევნო ტურში საფრანგეთი ურუგვაის შეხვდება, ნამიბია, კი ახალ ზელანდიას დაუპირისპირდება.
