საქართველო XV-მა არგენტინა XV-ს მეორე ტაიმში 16 უპასუხო ქულა გაუტანა და "რაგბის ზაფხულის თასის" პირველ მატჩში 23:22 იმარჯვა.შეხვედრა დაძაბული გამოდგა და მისი ბედი 75-ე წუთზე თედო აბჟანდაძემ გადაწყვიტა, რომელმაც 52 მეტრიდან ჯარიმა გაიტანა. ახალგაზრდა მგეზავმა ჯამში 13 ქულა მოინაგრა, ნიკოლოზ სუხაშვილმა კი ორი ლელო მიითვალა.
მატჩის დებიუტში ანგარიში გასტონ არიასმა საჯარიმო დარტყმით გახსნა. ამას საქართველო XV-ის გააქტიურება მოყვა, ორჯერ ჯარიმა კარში არ დავარტყით და მე-10 წუთზე ლელოს გატანის კარგი შანსი გვქონდა. ფლანგზე მეტობა შეიქმნა და სანდრო სვანიძემ პასი ვერ
ქართველები თავისი ლელოდანაც ხელდახელ უტევდნენ და თამამად თამაშობდნენ, თუმცა დაცვაში ყველაფერი რიგზე ვერ იყო, ტაიმის შუაში ხაზი სუფთად გაიჭრა და ფაკუნდო კორდერომ საპასუხო ლელო გაგვიტანა, ხოლო ლუკას მენსამ გარდასახა. თამაში რომ განახლდა გიორგი ჭყოიძე სინბინით დაისაჯა და არგენტინელებმა 5-მეტრა დერეფნიდან მეორე ლელო გაიტანეს - 7:15.
28-ე წუთზე აბჟანდაძემ დაფინტა და ხაზი გაჭრა, მაგრამ ლელოდან 5 მეტრში შებოჭეს და ბურთი ვერც მიმყოლმა აიღო. პასუხად არგენტინამ 5-მეტრიანი დერეფნიდან მორიგი ლელო გაგვიტანა: მაშკო ვივასმა ბურთი მოიგო და მოულოდნელად თავადვე შეუტია, ხოლო არიასმა გარდასახა. ტაიმის ბოლოს არგენტინელებმა მაგრად შემოგვიტიეს და ხშირი ჯარიმისთვის რეფერიმ ტარიელ დონაძე სინბინში გაისტუმრა, თუმცა ლელო არ გავუშვით და ტაიმი 7:22 დავთმეთ.
მეორე ტაიმში საქართველო XV მოედანზე მობილიზებული გავიდა, ცენტრში კარგი დაცვით მეტოქეს დაჯარიმება აიძულა, აბჟანდაძემ ბურთი 5-მეტრიანთან ჩააგდო, დერეფნიდან რამდენიმე დარტყმის შემდეგ სუხაშვილმა სწრაფი ბურთი მიიღო, მბოჭავი აირიდა და ლელო გაიტანა, ხოლო თედომ გარდასახა. ქართველები შერკინებაში დიდ უპირატესობას ფლობდნენ და ჯარიმა რომ გამოიმუშავეს აბჟანდაძემ საშუალო დისტანციიდან გაიტანა.
მეორე ტაიმის შუაში ჩვენი კარგი შეტევის შემდეგ მეტოქე ისევ დაჯარიმდა და თედო ამჯერადაც ზუსტი იყო. რადგან აბჟანდაძეს დარტყმები წაუვიდა, 75-ე წუთზე ცენტრიდან, კარიდან ოდნავ მარცხნივ დაჰკრა და გაიტანა! დარჩენილი 5 წუთი საქართველომ თავის ნახევარზე გაატარა - ჯერ მეტოქის მწვავე შეტევა მოიგერია, მერე ბურთი შეინარჩუნა და 23:22 იმარჯვა.
მეორე ტაიმით კმაყოფილი დარჩა გუნდის მთავარი მწვრთნელი ბესიკ ხამაშურიძე:
"ბიჭებმა მოედანზე თავი დადეს და ამისთვის მადლობა მინდა გადავუხადო. ასეთი თამაშის შემოტრიალება იოლი ნამდვილად არ იყო, მაგრამ გამარჯვებისთვის ყველაფერი გაიღეს. დასაწყისი კარგი გვქონდა, თუმცა მას ჩავარდნა მოყვა, რითაც მოწინააღმდეგემ ისარგებლა და დიდი სხვაობით ჩამოვრჩით. შესვენებაზე ჩვენი შეცდომები გავაანალიზეთ, მეორე ტაიმში ბურთზე კონტროლი დავამყარეთ და ბიჭებმა საქართველოს სახელი დაიცვეს".
თამაშით კმაყოფილი დარჩა გუნდის კაპიტანი გიორგი შკინინი:
"ამ თამაშში ხასიათი გადამწყვეტი აღმოჩნდა. ვეცადეთ გვეთამაშა გაშლილი რაგბი და პირველ ტაიმში ჯარიმები კარში არ დავარტყით. მაგრამ უთამაშებლობა დაგვეტყო ვერაფერი მოვახერხეთ. ამაყი ვარ ამ ბიჭების, რადგან მეორე ტაიმში უპირატესობა დავიბრუნეთ და დიდი მადლობა მათ ასეთი სიამოვნებისთვის".
რაგბის ზაფხულის თასი 2018
თბილისი. მიხეილ მესხი.
საქართველო XV - არგენტინა XV 23:22 (7:22)
საქართველო XV: 15. ირაკლი სვანიძე, 14. სანდრო სვანიძე, 13. რევაზ ჯინჯიხაძე, 12. თემურ ირემაძე, 11. გიორგი შკინინი, 10. თედო აბჟანდაძე, 9. მიხეილ ალანია; 1. მიხეილ ორაგველიძე, 2. გიორგი ჭყოიძე, 3. ტარიელ დონაძე, 4. არსენ ტრაპაიძე, 5. გელა შალამბერიძე, 6. გუგა შენგელია, 7. ბექა საღინაძე, 8. ნიკოლოზ სუხაშვილი.
მარქაფა: 16. ჟორჟ სალდაძე, 17. გოგა ხუროშვილი, 18. მიხეილ ფსუტური, 19. სანდრო მამამთავრიშვილი, 20. ხვიჩა ბუჯიაშვილი, 21. ილია სპანდერაშვილი, 22. დავით კლდიაშვილი, 23. დემურ თაფლაძე, 24. გიორგი ჭუაძე, 25. ბექა მამუკაშვილი.
არგენტინა XV: 15. გასტონ არიას, 14. ფაკუნდო კორდერო, 13. სანტიაგო რესინო, 12. სანტიაგო კარერას, 11. ხულიან დომინგეს, 10. ლუკას მენსა, 9. ფელიპე ესკურა (კაპ.); 1. მაშკო ვივას, 2. დიეგო ფორტუნი, 3. ნიკოლას ლეივა, 4. ფრანკო მოლინა, 5. იგნასიო ლარაგე, 6. სანტიაგო გრონდონა, 7. ფრანსისკო გორისენ, 8. როდრიგო ვრუნი.
მარქაფა: 16. აგუსტინ მასეირას, 17. ფრანკო ვრარდა, 18. მარკო სისიოლი, 19. ფრედერიკო გუტიერესი, 20. ლაუტარო ვავარო, 21. ტომას კუველი, 22. ვაუტისტა დერო, 23. ლეოპოლდო ერერა, ლუკას ფავრე, სანტიაგო პორტიშო.
მომზადებულია Rugby.ge-ის მიხედვით
ჩემი ზარით გამოჩნდა, რომ ქართული რაგბი ეროვნულ საკლუბო და ახალდაზრდების დონეზე აშკარად პროგრესირებს.
და ეს თამაშები (ზაფხულის ტურნირი) ერთერთი გარდამტეხის შეიძლება აღმოჩნდეს იმ თვალსაზრისით, რომ თავდაჯერებულობას შემატებს ეროვნულ კლუბებში მოთამაშეებს.
ამ ნაკრებს ყავს კი ყავს კარგი მწვრთნელი. მაგრამ გაითვალსწინეთ, რომ ეს არგენტინის მესამე (!) გუნდია, შეხვედრა ამხანაგური იყო და არგენტინას არც ყავდა მე4სამე ნაკრების ყველა მოთამაშე.