საქართველოს რაგბის ეროვნული ნაკრების წევრმა გიორგი აფციაურმა სოციალურ ქსელ "ფეისბუქზე" სპორტულ ჟურნალისტებს აგინა.
ონლაინ სარაგბო ჟურნალი "Rugby XV-ის" ჟურნალისტები შოტლანდიისა და საქართველოს ნაკრები გუნდების თამაშს განიხილავდნენ, როცა გიორგი აფციაურმა მათ რამდენჯერმე მიაყენა შეურაცხყოფა.
ამის შემდეგ გამოცემამ სპეციალური განცხადება გაავრცელა და რაგბის კავშირს მიმართა:
"რაგბი XV-ის გუნდის განცხადება
რაგბი XV-ის გუნდს გვსურს, გამოვეხმაუროთ და ჩვენი პოზიცია დავაფიქსიროთ დღეს, ჩვენს "ფეისბუკგვერდზე", საქართველოსა და შოტლანდიის რაგბის ნაკრებების თამაშის განხილვის დროს, საქართველოს მორაგბეთა ეროვნული ნაკრების წევრის, გიორგი აფციაურის მიერ გადაცემის წამყვანებისა და რაგბი XV-ის
გუნდის მისამართით გაკეთებულ შეურაცხმყოფელ და მუქარისშემცველ განცხადებებთან დაკავშირებით.
სრულიად წარმოუდგენელია, როდესაც მოქმედი ან ვეტერანი სპორტსმენი საჯაროდ, პირდაპირი ეთერის მსვლელობისას ("ფეისბუკლაივის" კომენტარებში), შეურაცხყოფს და ემუქრება ჟურნალისტებს.
დაუშვებელია პროფესიული საქმიანობის შესრულებისას ჟურნალისტების შეურაცხყოფა, გინება და მუქარა. მოქმედი მოთამაშის მხრიდან ასეთი ქმედება ეწინააღმდეგება ეთიკის ნორმებს და ლახავს რაგბის ფასეულობებს.
იმისათვის, რომ მომავალში, სპორტსმენების მხრიდან მსგავსი საქციელი არ წახალისდეს, ჩვენ, რაგბი XV-ის გუნდი, მოვითხოვთ, საქართველოს რაგბის კავშირმა მომხდარ ფაქტთან დაკავშირებით მკაფიოდ გამოხატოს მისი პოზიცია.
ჩვენ უფლებას ვიტოვებთ, მუქარისა და შეურაცხყოფის გაგრძელების შემთხვევაში მივმართოთ შესაბამის სტრუქტურებს და მოვითხოვოთ სამართლებრივი რეაგირება."
გიორგი აფციაურმა კი, ბოდიშის მოხდის ნაცვლად, ჟურნალისტებს ამ განცხადების პოსტზეც აგინა:
sportall.ge მიიჩნევს, რომ მედიის წარმომადგენლის მიმართ მისი თავისუფალი აზრის დაფიქსირების გამო ჩადენილი ნებისმიერი შეურაცხმყოფელი მოქმედება მიუღებელია და დასჯადი უნდა იყოს. აქედან გამომდინარე, სოლიდარობას ვუცხადებთ ჩვენს კოლეგებს და რაგბის კავშირისაგან შესაბამისი ზომების გატარებას დაუყოვნებლივ ველოდებით.
![საქართველო-ესპანეთი 38:7 - "ბორჯღალოსნების" გამარჯვება ბონუს-ქულით [VIDEO+PHOTO]](/pictures/image7/3f9ecbb011be23524e21a165faf65b8e.jpg "საქართველო-ესპანეთი 38:7 - \"ბორჯღალოსნების\" გამარჯვება ბონუს-ქულით [VIDEO+PHOTO]")
![საქართველო-ესპანეთი 38:7 [მიმდინარე, მეორე ტაიმი]](/pictures/image7/f43db2e59aef24ad0aa3b3f3e08b2e98.jpg "საქართველო-ესპანეთი 38:7 [მიმდინარე, მეორე ტაიმი]")
მეორე და არანაკლებ მნიშვნელოვანი: ბატონმა გიორგიმ და ყველა დანარჩენმა სპორსტმენმა უნდა გაიზაროს რომ თუ უნდა რომ იმაში რომ აკეთებს იმას რაც თავად სიამოვნებს (იმედია სიამოვნებს რაგბის თამაში) ფულს უდხიან და ნაკრებს სახელმწიფო ინახავს (ბაზები მგზავრობები, მწვღთნელები და ათასი სხვა ხარჯი) - სახელმწიფო ინახვა ჩვენი ფულით, ანუ ჩვენი ვინც ვიხდით გადასახადებს, მათ შორის იმ ჟურნალისტის ფულითაც , რომელსაც არავის გინება არ უკადრებია ყოველ შემთხვევაში, ასე რომ ყველამ ერთი ადგილ დააყენოს და წერის და გინების მაგივრად მეტი ივარჯიშოს რომ შოტლანდიის ნაირ გუნდებს ცოტა უფრო მეტი წინააღმდგეობა მაინც გაუწიოს ისევ ჩვენ გასახარებლად
პს. გაგიმართლათ რო გაბრაზებული წინ არ გედგათ და მხოლოდ გაგინათ