"რაგბი დიდებული თამაშია. სამწუხაროდ, 12:48 წავაგეთ, მაგრამ მეტოქე ბრწყინვალე იყო. ანგარიში სრულად არ ასახავს იმას, რაც მოედანზე ხდებოდა. ჩვენმა ბიჭებმა კარგად ითამაშეს, მაგრამ ქართველებს ძალიან ძლიერი ნაკრები ჰყავთ" - ეს სიტყვები "ლონდონ ვოსფსის" "ფეისბუქის" კედელზე საქართველოს 18-წლამდელთა ნაკრებისა და "ვოსფსის" მატჩის შემდეგ გაჩნდა."შევარდენის სანაკრებო ბაზაზე" გამართულმა ამ შეხვედრამ რაგბის ქომაგებს მომავლის დიდი იმედი ჩაუსახა.
"უმცროსმა ბორჯღალოსნებმა" ლონდონ "ვოსფსის" თანატოლთა გუნდს 48:12 მოუგო, მაგრამ მოგებაც არის და მოგებაც.
იმას, რასაც ჩვენი ნორჩი მოთამაშეები მოედანზე სჩადიოდნენ, უბრალოდ, სწორად გამართული, დიდი რაგბი
სისწრაფე, ხელის ტექნიკა, სწორი გადაწყვეტილებების მიღება - ყველა ამ კომპონენტში ჩვენი ბიჭები ინგლისელ თანატოლებს აშკარად სჯობდნენ. ასე ხელდახელ მობურთალი ქართული გუნდი დიდი ხანია, არავის უნახავს.
თამაშში ურთიერთშეთანხმების საფუძველზე შეცვლები ლიმიტირებული არ იყო. შესაბამისად, ნაკრების თითქმის ყველა კანდიდატის საქმეში ხილვა მოხერხდა. ამჟამად ჩვენი გუნდის გაფართოებულ შემადგენლობაში 35 მორაგბეა, რომელთაგან მთავარ მწვრთნელს ილია მაისურაძეს 26 საუკეთესოს შერჩევა, ვფიქრობთ, ძალიან უნდა გაუჭირდეს.
ერთადერთი, რაც ამ თამაშიდან გულში ხინჯად დაგვრჩა, ის არის, რომ შერკინებას სტატიკურ მდგომარეობაში ცოტა გაუჭირდა.
სამაგიეროდ, დინამიკაში მეტოქეს ხშირ შემთხვევაში ჯაბნიდა კიდეც. არ გვინდა ახლა, ვინმე გამოვარჩიოთ. ყველა, ვინც ინგლისური გუნდის ძლევაში წვლილი შეიტანა, ქების ღირსია და იმედი გვაქვს, რომ მათი სახით ქართულ რაგბის ბრწყინვალე მომავალი ეზრდება.
შეგახსენებთ, რომ საქართველოს ნაკრები ევროპის ჩემპიონატისთვის ემზადება, რომელიც საფრანგეთში გაიმართება. ჩვენი გუნდის პირველი მეტოქე ირლანდიის ნაკრებია.
საქართველო U-18- ვოსფსი 48:12
საქართველოს ნაკრები
პირველი ხაზი: ერეკლე მაღრაძე (ხარები), ბადრი ალხაზაშვილი (ინგლისი), თორნიკე მათარაძე (ტორნადო), ბექა კაკაბაძე (ლოკომოტივი), ზაურ ხარებავა (რაინდები), დავით ფხაკაძე (ივერია), გიორგი ტორაძე (აია).
მეორე ხაზი: როლანდ კვაჭაძე (ლელო), გუგა ხანთაძე (აია), თორნიკე ზოიძე (აკადემია), ბესო ბარბაქაძე (ივერია).
მესამე ხაზი: ბადრი დანგაძე, ოთარ გიორგაძე (ორივე - აია), ბექა გორგაძე (ხარები), გიორგი ხვისტანი (ყოჩები), თორნიკე ბუბუტეიშვილი (ლელო), ჟორა მღებრიშვილი (ხარები), დავით პაპავაძე (ჯიქები).
#9: დავით გულიტაშვილი (ხარები), ვასილ ლობჟანიძე (არმაზი), თეიმურაზ თუთბერიძე (აია).
#10: გურამ ლაფერაშვილი (ლელო), რევაზ ჯინჭველაშვილი (აია).
#11-14: იოსებ კიკვაძე (აია), დევი დევსურაშვილი (ხულიგანა), ბადრი ლიპარტელიანი (ივერია), დავით ლობჟანიძე (არმაზი).
#12-13: სანდრო ილურიძე (აკადემია), იოსებ აფარიძე (ხულიგანა), ლევან გიკაშვილი (ლელო).
#15: ირაკლი სვანიძე (ხულიგანა), გიორგი ბაბუნაშვილი (აია).
1/4-ფინალი
საქართველო-ირლანდია, ინგლისი-პორტუგალია, საფრანგეთი-იტალია, უელსი-შოტლანდია
ყოველდღიური სპორტული გაზეთი "ლელო"
