12 მაისს, პორტუგალიის დედაქალაქ ლისაბონში, "მსოფლიოს ახალგაზრდული ალაფის" გათამაშება დაიწყო. საქართველოს 20 წლამდე მორაგბეთა ნაკრებმა (მწვრთნელი ილია მაისურაძე) პირველი მატჩი ურუგვაის თანატოლთა გუნდთან გამართა და მეტოქე ანგარიშით 46:12 დაამარცხა. "უმცროსი ბორჯღალოსნების" უპირატესობა თავიდანვე აშკარა გახდა - უკვე პირველივე წუთზე ქართველებმა ლელო გაიტანეს, ტაიმი კი 31:0 მოიგეს.
მთლიანობაში კი, საქართველოს ნაკრებმა მეტოქეს 8 ლელო გაუტანა და მხოლოდ 2 მიიღო.
შეგახსენებთ, რომ ჩვენი გუნდის მეტოქეები, ურუგვაის გარდა, A ჯგუფში ფიჯისა და პორტუგალიის ნაკრებები არიან. ტურნირის მეორე ტურში "უმცროსი ბორჯღალოსნები" ფიჯის 16 მაისს
"ახალგაზრდულ ალაფაზე" გამარჯვებული მომავალ წელს მსოფლიოს ახალგაზრდულ ჩემპიონატზე იასპარეზებს.
