დღეს და ხვალ საქართველოს ჩემპიონატის პირველი წრის ბოლო, მეშვიდე ტურის ორი გადატანილი შეხვედრა გაიმართება. თბილისში "ვისოლის" სარაგბო სტადიონზე ქვეყნის მრავალგზის ჩემპიონი "ლოკომოტივი" თბილისის "არმაზს" დაუპირისპირდება. ხოლო მალთაყვაში, წლევანდელი გათამაშების ლიდერი, ჯერაც დაუმარცხებელი ქუთაისის "აია" უახლოეს მდევარს და ჩემპიონობისთვის ბრძოლაში უშუალო კონკურენტ "არმიას" უმასპინძლებს.
რაოდენ საკვირველიც უნდა იყოს, "ლოკომოტივი", რომელიც მუდამ მაღალი მიზნებისთვის იბრძოდა, ახლა სატურნირო ცხრილში, აქამდე მუდმივ აუტსაიდერ "არმაზის" მეზობელია. რკინიგზელებმა ექვსი თამაშიდან მხოლოდ სამი მოიგეს და ექვსი ქულით მე-5 ადგილზე არიან. არმაზელები მათ ერთი ქულით ჩამორჩებიან.
წინა, მე-6
ყოველივე აქედან გამომდინარე, უნდა ვივარაუდოთ, რომ ამ გუნდების დაპირისპირება უკომპრომისო, ძალზედ საინტერესო ბრძოლაში წარიმართება და გამორიცხული არ არის კიდევ ერთი სენსაცია.
ტურის ცენტრალური და, შესაძლოა, პირველი წრის მთავარი შეხვედრა მალთაყვაში გაიმართება. ქუთაისის "აიასთვის", რომელიც ჩემპიონატის უმთავრესი ფავორიტია, მშობლიურ ქალაქში სათამაშო მოედანი ვერ გამოინახა და საშინაო მატჩებს მალთაყვაში ატარებს. ქუთათურები წლეულს შესანიშნავად ასპარეზობენ, ექვის თამაშიდან ექვსივე მოიგეს და, რაც მთავარია, მაღალი დონის რაგბის აჩვენებენ.
წინა, მე-6 ტურში "აიამ" სტუმრად მოუგო აუტსაიდერ "ყოჩებს" - 23:10. შეხვედრაში ქუთაისურ გუნდს სამი წამყვანი მოთამაშე აკლდა. ბესიკ ხამაშურიძე, ირაკლი ჩხიკვაძე და ირაკლი გიორგაძე ბუქარესტში IღB-ს ერთა თასზე საქართველოს ეროვნულ ნაკრებში ირჯებოდნენ. ამჟამად ისინი გუნდთან ერთად არიან და "არმიას" საკმაოდ ძლიერი გუნდის დასამარცხებლად ემზადებიან.
"აიას" ერთი დანაკლის მიანც აქვს. შერკინების პირველხაზელმა ზურაბ ჟვანიამ, ახლახან ფრანგული რაგბის ერთ-ერთ გრანდთან, პარიზულ "სტად ფრანსესთან" გააფორმა ხელშეკრულება.
რაც შეეხება არმიას, როგორც უკვე ვთქვით, მე-6 ტურში მას "არმაზის"ძლევა ძალიან გაუჭირდა. იმ დროისთვის არმიელებს "ბორჯღალოსანთა" რიგებში მივლინებული ცხრა ნომერი ბიძინა სამხარაძე და შერკინების კვაჭი ჯაბა ბრეგვაძე აკლდა, რომლებიც მნიშვნელოვანწილად განსაზღვრავენ ამ გუნდის წარმატებულ თამაშს. ამასთან "არმია" დატოვა შერკინების კიდევ ერთმა კვაჭმა ირაკლი ნატრიაშვილმა, ის საფრანგეთის ჩემპიონატის ელიტურ, პირველ დივიზიონში მოასპარეზე "ბრივში" ჩაირიცხა.
VII ტური
არმაზი-ლოკომოტივი, აია-არმია
სატურნირო მდგომარეობა
თ მ ფ წ ბ ქ
1.აია 6 6 0 0 +95 12
2.არმია 6 4 1 1 +21 9
3.აკადემია 7 3 2 2 +8 8
4.ლელო 7 4 0 3 +36 8
5.ლოკომოტივი 6 3 0 3 +18 6
6.არმაზი 6 2 1 3 -27 5
7.ხარები 6 1 0 5 -66 2
8.ყოჩები 6 0 0 6 -85 0
ყოველდღიური სპორტული გაზეთი "ლელო"
