"არმაზს", "აკადემიას" მსგავსად, რვა ქულა გაუხდა და ბოლო ტურის შედეგებზეა დამოკიდებული, რომელს მოუწევს მეორეადგილოსან პირველლიგელთან ბრძოლა უმაღლეს ლიგაში ადგილის შესანარჩუნებლად.
"არმაზი" ბოლო შეხვედრას გამართავს მეოთხეადგილოსან "ვისოლი\ყოჩებთან", რომელსაც კარგი შანსი აქვს,
პირველ წრეში "ვისოლი\ყოჩებმა" მეტოქე 29:12 დაამარცხეს, მაგრამ მერე "არმაზი" საგრძნობლად მოღონიერდა. ყველაფერი იმაზე იქნება დამოკიდებული, როგორი განწყობით შეხვდებიან "ვისოლი\ყოჩებთან" მატჩს.
ერთი შეხედვით, გაცილებით იოლად დასაძლევი ბარიერი ელის "არმაზის" კონკურენტ თბილისის "აკადემიას", რომელიც ბოლო ტურში პირველ ლიგაში გავარდნილ, სრულიად უმოტივაციო "ბათუმი XV"-ს ხვდება. მართალია, ზღვისპირელებს ვეღარაფერი შველით, მაგრამ, შესაძლოა, კარი გაიჯახუნონ და "აკადემიაც" თან გაიყოლონ.
პირველ წრეში "აკადემიამ" სტუმრად 20:14 მოიგო. გამარჯვება ახლაც ჰაერივით სჭირდება და მიზნის მისაღწევად ყველაფერს იღონებს.
რუსთავს "ხარებმა" უმაღლეს ლიგაში ადგილი შეინარჩუნა. რუსთაველები მე-14 ტურში სტუმრად ეთამაშებიან საქართველოს ჩემპიონსა და თასის მფლობელ თბილისის "ლელოს", რომელიც პლეი ოფში კი ითამაშებს, მაგრამ შესარჩევ ფინალში მოსახვედრად იბრძვის.
პირველ წრეში "ლელომ" სტუმრად 33:6 მოიგო და, სავარაუდოდ, ამჯერადაც მოიგებს.
საინტერესო მატჩი გაიმართება ქუთაისში, სადაც ლიდერი "აია" ქვეყნის მრავალგზის ჩემპიონ თბილისის "ლოკომოტივს" უმასპინძლებს. ამ მატჩში გამარჯვებული ნებისმიერ შემთხვევაში შესარჩევ ფინალში მოხვდება. "აიამ" პირველ წრეში თბილისში დაძაბულ ბრძოლაში 9:15 წააგო. არანაკლებ მძაფრი დაპირისპირება იქნება ამჯერადაც. გამარჯვებულის გამოცნობა ძნელია.
შეგახსენებთ, რომ შესარჩევი და გასავარდნი ფინალები 3 ნოემბერს გაიმართება. წინასწარი ფინალი კი, რომელიც, ფაქტობრივად, ბრინჯაოს მედლის მფობელსაც გამოავლენს, 8 ნოემბერს შედგება. დიდ ფინალში ჩემპიონის ტიტულისთვის გუნდები 14 ნოემბერს ითამაშებენ.
XIV ტური
არმაზი-ვისოლი\ყოჩები, ლელო-ხარები, აკადემია-ბათუმი XV, აია-ლოკომოტივი.
სატურნირო მდგომარეობა
თ მ ფ წ ბ ქ
1. აია 13 9 0 4 +79 18
2. ლელო 13 9 0 4 +141 18
3. ლოკომოტივი 13 9 0 4 +91 18
4. ყოჩები 13 8 1 4 +59 17
5. ხარები 13 6 0 7 -119 12
6. არმაზი 13 4 1 8 -101 8
7. აკადემია 13 3 2 8 -33 8
8. ბათუმი XV 13 2 0 11 -117 4
"არმაზს" დაკლებული აქვს 1 ქულა.
