ახალ ზელანდიაში გასამართ მსოფლიოს თასის გათამაშებაში საქართველოს ნაკრების მეტოქე, არგენტინის ეროვნული გუნდი 4 ივნისს "ფრანგ ბარბაროსებს" დაუპირისპირდება საწვრთნელ შეხვედრაში.არგენტინელთა მთავარმა მწვრთნელმა სანტიაგო ფელანმა 45 მორაგბე შეარჩია, რომელთაგან საბოლოოდ 30-ს ახალ ზელანდიაში იახლებს. მორაგბეთა ამ ჩამონათვალში არ არის მგეზავი ხუან მარტინ ერნანდესი, რომელმაც ერთი თვის წინ ფეხზე საკმაოდ მძიმე ოპერაცია გადაიტანა და, ახლა, ყველანაირად ცდილობს, მსოფლიო თაისის გათამაშების დაწყებამდე გამოჯანმრთელდეს.
ფელანმა გაფართოებულ შემადგენლობაში "პამპასების" ცხრა მოთამაშე შეიყვანა. ამ გუნდმა სამხრეთ აფრიკის ჩემპიონატის, "ვადაკომ კაპის" ფინალში, პრეტორიის "ბლუ ბულზის" დამარცხება შეძლო.
აღსანიშნავია, რომ "ფრანგი ბარბაროსების" წინააღმდეგ სავარაუდოდ ვერ ითამაშებენ, მარიო ლედესმა, მარტინ სკელსო (ორივე-კლერმონი), პატრისიო ალბასეტე (ტულუზი), ნიკოლას ვერგალო, ალბერტო ბასუალდო, ალვარო გალინდო (სამივე-მეტრო რასინგი), ხუან პაბლო ორლანდი , ხუან ფიგალო, სანტიაგო ფერნანდესი და მარტინ ბუსტოს მოიანო (ოთხივე-მონპელიე), რადგან მათ გუნდებს საფრანგეთის ჩემპიონატის ნახევარფინალში აქვთ სათამაშო.
მსოფლიო თასის გათამაშების დაწყებამდე არგენტინელები 20 აგვისტოს კიდევ ერთ ტესტ მატჩს გამართავენ. "პუმები" კარდიფში უელსის ნაკრებს დაუპირისპირდებიან.
შეგახსენებთ, რომ მსოფლიო თასზე B ჯგუფში საქართველოსა და არგენტინის ნაკრებებთან ერთად ინგლისის, შოტლანდიისა და რუმინეთის ნაკრებები იასპარეზებენ.
"ბორჯღალოსნები" არგენტინის ეროვნულ გუნდს ჯგუფური ტურნირის ბოლო მატჩში, 2 ოქტომბერს პალმერსთონში დაუპირისპირდებიან.
არგენტინის ნაკრები
ჰორასიო აგულა, მარკოს აიერსა, ლუკას გონსალესი (სამივე - ლესტერი), პატრისო ალბასეტე, ნიკოლას ვერგალო, ალბერტო ბასუალდო (სამივე - ტულუზი), ლუკას ბორხესი (ალბი), მარსელ ბოში, მანუელ კარისა, ეუსებიო გუინაზი (სამივე - ბიარიცი), ნიკოლას ბრუზონე (ეს აი სი), მარტინ ბუსტოს მოიანო, სანტიაგო ფერნანდესი, ხუან ფიგალო (სამივე - მონპელიე), მაქსიმილიანო ბუსტოსი (უნივერისტი), ოსკარ კამაჩო, ტომას ვალეხოსი (ორივე - ჰარლიქუინზი), ალეხანდრო კამპოსი (აჟენი), რაფაელ კარბალო (ბორდო), ფელიპე კონტეპომი, ხუან მარტინ ფერნანდეს ლობე (ორივე-ტულონი), მიგელ დე აჩავალი (ალუმნი), ხულიო ალფრდო ფარიასი, სანტიაგო ნიკოლას გუსმანი, ბენხამონ მაკომი, ფედერიკო სანჩესი (ოთხივე-ტუკმენი), ჯენარო ფესიო (კორდობა), აგუსტინ ფიგუეროლა (ბრივი), ალვარო გალინდო (მეტრო რასინგი), ხუან იგნასიო გაუტიერი (კოლომიე), ოსკარ გოსია (ნიუმენი),ხუან აიმჰოფი (დანდი), ალფრედო ლალანე (ლონდონ აირიში), მარიო ლედესმა, მარტინ სკელსო (ორივე-კლერმონი), ხუან მანუელ ლეგუზამონი, მარტინ როდრიგესი, როდრიგო რონსერო, გონსალო ტისეი (ოთხივე-სტად ფრანსე), იგნასიო მიერესი (ექსეტერი), ხუან პაბლო ორლანდი (მეტრო რასინგი), ჰორასიო ალბერტო სან მარტინი, ლეონარდო სენატორი (ორივე-აირონი).
