საქართველოს ნაკრების შოტლანდიელმა მთავარმა მწვრთნელმა რიჩი დიქსონმა ახალ ზელანდიაში, მსოფლიოს თასზე წამსვლელი 30 მორაგბის ვინაობა დაასახელა. შეგახსენებთ, რომ "ბორჯღალოსნები" თვეზე მეტია საფრანგეთში საწვრთნელ შეკრებაზე იმყოფებიან. ჩვენმა გუნდმა ორი საწვრთნელი შეხვედრა გამართა, რომელთა მიმიდნარეობისას დაშავდენენ მესამეხაზელი ზვიად მაისურაძე და ცხრა ნომერი გიორგი ბეგაძე.
მაისურაძემ მუხლი დაიზიანა და როგორც გაირკვა, საოპერაციოა. ბეგაძემ კი ხელი იტკინა და ისე გამოვიდა, რომ ორივე მათგანი გუნდის 30-კაციანი შემადგენლობის მიღმა დარჩა.
ახალ ზელანდიაში გასამართი მსოფლიოს თასი მესამე იქნება შვიდი "ბორჯღალოსანისთვის". ესენი არიან პირველხაზელები გოდერძი შველიძე და აქვსენტი
მსოფლიოს თასზე პირველად ითამაშებს საქართველოს ნაკრების ერთბაშად 14 მორაგბე: პირველხაზელები ვასილ კაკოვინი, ჯაბა ბრეგვაძე და დავით ქუბრიაშვილი, მეორეხაზელები ვახტანგ მაისურაძე და გიორგი ნემსაძე, მესამეხაზელები ვიქტორ კოლელიშვილი, დიმიტრი ბასილაია და გივი ბერიშვილი. მგეზავი ლაშა ხმალაძე, შუამარბი ლაშა მალაღურაძე, გარემარბები ლექსო გუგავა, ირაკლი ჩხიკვაძე და ალექსანდრე თოდუა.
შეგახსნებთ, რომ დღესდღეობით საქართველოს ნაკრები საფრანგეთის საკურირტო ქალაქ კანთან ახლოს იმყოფება საწვრთნელ შეკრებაზე. "ბორჯღალოსნები" ახალ ზელანდიაში ხუთ სექტემბერს, ქალაქ ქვინზთაუნში ჩავლენ, სადაც 11 სექტემბრამდე დაჰყოფენ. იქიდან ჩვენი გუნდი ინვერქარგილში გაემგზავრება და 14 სექტემბერს, მსოფლიოს თასის ჯგუფური ტურნირის პირველ შეხვედრაში შოტლანდიის ეროვნულ გუნდს დაუპირისპირდება.
საქართველოს ნაკრები
I ხაზი: გოდერძი შველიძე (მონპელიე), დავით ხინჩაგიშვილი, ვასილ კაკოვინი (ბრივი), აქვსენტი გიორგაძე (კასტრი), დავით ზირაქაშვილი (კლერმონი), ჯაბა ბრეგვაძე (არმია), დავით ქუბრიაშვილი (ტულონი).
II ხაზი: ილია ზედგინიძე (კარკერენი) გიორგი ნემსაძე (ვალანსი), ვახტანგ მაისურაძე (ლა სეინი), ლევან დათუნაშვილი (ორიაკი).
III ხაზი: ვიქტორ კოლელიშვილი (კლერმონი), დიმიტრი ბასილაია (ობენა), გიორგი ჩხაიძე (ლელო), გივი ბერიშვილი (ლოკომოტივი), მამუკა გორგოძე (მონპელიე), შალვა სუთიაშვილი (მასი).
N:9: ირაკლი აბუსერიძე (ოსერი), ბიძინა სამხარაძე (არმია).
N:10: მერაბ კვირკაშვილი (ფიჟაკი), ლაშა ხმალაძე (ლელო).
N:12-13: ლაშა მალაღურაძე (უგუნდო), რეზო გიგაური (ფიჟაკი), თედო ზიბზიბაძე (პერიგო), დავით კაჭარავა (ნიცა).
N:11-14: ლექსო გუგავა, ალექსანდრე თოდუა (ორივე-ლელო), ირაკლი ჩხიკვაძე (აია), ირაკლი მაჩხანელი (სენტ ეტიენი).
N:15: მალხაზ ურჯუკაშვილი (გურდო).
მსოფლიოს თასი
14 სექტემბერი
საქართველო-შოტლანდია
18 სექტემბერი
საქართველო-ინგლისი
28 სექტემბერი
საქართველო-რუმინეთი
2 ოქტომბერი
საქართველო-არგენტინა
ყოველდღიური სპორტული გაზეთი "ლელო"
