საქართველოს ნაკრებმა მსოფლიოს თასზე შოტლანდიის ნაკრებთან თამაშის წინ ბოლო ვარჯიში გამართა. "ბორჯღალოსნებმა" ასპარეზობის არენაზე - "რაგბი პარკ სთედიუმზე" ივარჯიშეს. ინვერქარგილში ბოლო სამი დღეა გადაუღებლად წვიმს, ქარი ქრის, ძალიან ცივა, რაც საკმაოდ პირქუშ ქალაქს, კიდევ უფრო ჩაჟამებულ და ულაზათო იერს აძლევს. შეხედულება ინვერქარგილზე ვერც სტადიონის ნახვამ გამოგვიკეთა. "რაგბი პარკ სთედიუმი" ერთი პატარა სოფლის არენას მოგაგონებთ, თუმცა ეს ხომ ასეც არის.
ძნელი სათქმელია, რატომ დათანხმდა IRB მსოფლიოს თასის მატჩების ამ სტადიონზე გამართვას. ჩვენი "ავჭალისა" და "შევარდენის სანაკრებო ბაზის" სტადიონები აქაურს თუ არ
მორაგბეებმა ჩვეულებისამებრ ფიზმომზადების მწვრთნელის გარეთ ადამსონის ხელმძღვანელობით ხუთწუთიანი მოთელვა ჩაატარეს, რის შემდეგაც მოედნის სივრცესთან შესაჩვევად რიჩი დიქსონმა გუნდი ორად გაჰყო, ძირთად შემადგელობას თეთრი მაისურები გადააცვა და ორმხრივი თამაში გაჩაღდა.
აშკარად ჩანდა, რომ ვარჯიშის მიზანი შეტევის ორგანიზების დახვეწა იყო. რადგან თუ "თეთრები" ბურთს დაკარგავდნენ ან შტევა ფერხდებოდა, დიქსონი თამაშს აჩერებდა და ყველაფერი თავიდან იწყებოდა.
ამის შემდეგ, როგორც მატჩისწინა, ეგრეთ წოდებულ კაპიტნის ვარჯიშზეა მიღებული ჯერ დერეფანში ბურთის აგდების შემდეგ იერიშის წამოწყების რამდენიმე ხერხზე იმუშავეს, მერე კი რაკიდან და შერკინებიდან შეტევის გაგრძელების ასევე რამდენიმე ვარიანტი დახვეწეს. ბოლოს მორკინალებმა მოლიც შეკრეს.
ვარჯიშის დასკვნით ფაზაში აქტიურები უკვე მხოლოდ ძირთადი შემადგენლობის მოთამაშეები იყვნენ. ისინი წინააღმდეგობის გარეშე ისევ შეტევის ორგანიზებას ცდილბდნენ მიმართულების ხშირი ცვლით და მორაგბეების დროული გადაწყობის მეშვეობით. ათიოდე წუთის შემდეგ დიქოსნმა სთადარიგოები იხმო და ძირთად შემადგენლობაში პირობითი ცვლილებები გააკეთა.
იმათთან კი, ვისაც შოტლანდიის ნაკრებთან თამაში არ უწევთ გარეთ ადამსონი მუშაობდა. ცალკე, ინდივიდუალურად ივარჯიშა ტრავმირებულმა ვასილ კაკოვინმა, რომელიც წესით ინგლისთან მატჩში, რომელიც 18 სექტემბერს გაიმართება, მწყობრში უნდა ჩადგეს.
დაახლოებით, ერთსაათიანი წვრთნის შემდეგ მთავარმა მწვრთნელმა და ნაკრების წევრებმა თედო ზიბზიბაძემ და შალვა სუთიაშვილმა ჟურნალისტების შეკითხვებს უპასუხეს.
რიჩი დიქსონი: "მეტოქემ შერკინება გააძლიერა, ჩვენთვის ეს მოულოდენელი არ იყო. ვცდილობთ, ყველა კომპონენტში თანაბრად კარგად ვითამაშოთ, მნიშვნელობა არ აქვს შერკინება იქნება ეს თუ უკანა ხაზი.
საქართველოში რაგბი პროგრესს განიცდის, ვითარდება. ბოლო ოთხი წლის განმავლობაში რაგბის მოთამაშეთა რიცხვი გაორმაგდა. ეს კი, ადრე თუ გვიან აუცილებლად მოიტანს კარგ შედეგს."
თედო ზიბზიბაძე: "ამ მსოფლიოს თასზე თამაში ჩვენთვის დიდი გამცოდილებაა. ჩვენ მოწინააღმდეგს კი ეს არ აკლია. Aამიტომ შოტლანდიას ისე უნდა ვეთმაშოთ, რომ ერთი შეცდომაც არ დავუშვათ. ვფიქრობ, საამისოდ მზად ვართ."
შალვა სუთიაშვილი: "მსოფლიოს თასზე პირველად ვთამაშობ, ამისთვის ოთხი წელი ვემზადებოდი. ჩვენ ნაკრებებს შორის დონეთა სხვაობა დიდი არ არის. ჩვენ გუნდს ჰქონდა რამდენიმე სერიოზულ მეტოქესთან შერკინების საშუალება, შოტლანდიის ნაკრებთანაც აქამდე ორჯერ გვითამაშია."
დღე საქართველოს ნაკრებისთვის საინტერესოდ დასრულდა. ის იყო "ბორჯღალოსნები" სავახშმოდ ემზადებოდნენ, რომ სასტუმროს ქართველი გულშემატკივრები მოადგნენ. მართალია, სულ ოთხნი იყვნენ, მაგრამ მათი სტუმრობა ქართველი მორაგბეებისთვის სასიამოვნო სიურპრიზი იყო. სამი ქომაგი ინვერქარგილს სიდენიდან ეწვია, ერთიც თურმე ოქლენდში ცხოვრობს. საქართველოდან 13 წლის წინათ წამოსულა.
"ინვერქარგილი ახალი ზელანდიის მასშტაბითაც კი ქვეყნის დასალიერშია, ვიცოდით, რომ ჩვენ ნაკრებს ქომაგები ვერ ჩამოაკითხავდნენ. ამიტომ გადავწყვიტეთ ავსტრალიიდან სწორედ აქ ჩამოვსულიყავით, რათა "ბორჯღალოსნებისთვის" ქომაგობა არ მოგვეკლო. ისე, რამდენადაც ჩვენთვის ცნობილია, ძალიან ბევრი ახალზელანდიელი ქომაგობს ჩვენს ნაკრებს. სოციალიური ქსელების მეშვეობით დავადგინეთ, რომ ინვერქარგილის შემოგარენიდან უამრავი გულშემატკივარი ჩამოვა საქართველოს ნაკრების საქომაგოდ.
ინვერქარგილის შემდეგ გუნდს დანიდინშიც გავყვებით და მერე ავსტრალიაში უნდა დავბრუნდეთ. დარწმუნებულნი ვართ, რომ ჯგუფიდან გავლენ, რის შემდეგაც ოქლენდში მოუწევთ თამაში და, ამ შემთხვევაში, იქაც ჩავაკითხავთ", - თქვეს ჩვენებურებმა.
შეგასხენებთ, რომ თამაში თბილისის დროით 11 საათსა და 30 წუთზე დაიწყება.
საქართველო-შოტლანდია
საქართველო: 15. რეზო გიგაური, 14. ირაკლი მაჩხანელი, 13. დავით კაჭარავა, 12. თედო ზიბზიბაძე, 11. სანდრო თოდუა, 10. მერაბ კვირიკაშვილი, 9. ირაკლი აბუსერიძე. 1. დავით ხინჩაგიშვილი, 2. ჯაბა ბრეგვაძე, 3. დავით ზირაქაშვილი, 4. ვახტანგ მაისურაძე, 5. ლევან დათუნაშვილი, 6. შალვა სუთიაშვილი, 7. მამუკა გორგოძე, 8. დიმა ბასილაია.
16. აქვსენტი გიორგაძე, 17. დავით ქუბრიაშვილი, 18. გიორგი ჩხაიძე, 19. ვიქტორ კოლელიშვილი, 20. ბიძინა სამხარაძე, 21. ლაშა ხმალაძე, 22. მალხაზ ურჯუკაშვილი.
შოტლანდია: 15. რორი ლამონტი, 14. მაქს ევანსი, 13. ნიკ დე ლუკა, 12. გრემ მორისონი, 11. შონ ლამონტი, 10. დენ პარქსი, 9. რორი ლაუსონი. 1. ალან იაკობესნი, 2. სკოტ ლაუსონი, 3. ევან მურეი, 4. ნათან ჰაინსი, 5. ჯიმი ჰამილტონი, 6. ალი სტროკოში, 7. როს რენი, 8. კელი ბრაუნი.
16. როს ფორდი, 17. ჯოფ კროსი, 18. ალასდაირ დიკინსონი, 19. რიჩი გრეი, 20. რიჩი ვერნონი, 21. კრის კაზიტერი, 22. კრის პატერსონი.
მსაჯი: ჯორჯ კლენსი (ირლანდია).
14 სექტემბერი
სამოა-ნამიბია 06:30
ტონგა-კანადა 09:00
