ერთა თასის წლევანდელი გათამაშება 4 თებერვალს რუმინეთისა და პორტუგალიის ნაკრებების დაპირისპირებით გაიხსნება. ამავე დღეს საქართველოს ეროვნულ გუნდს დნეპროპეტროვსკში, უკრაინელებთან უნდა ეთამაშა, თუმცა დიდი ყინვების გამო შეხვედრა გადაიდო. "ბორჯღალოსნების" ყველაზე პრინციპულ მეტოქეს, რუმინეთის ნაკრებს დროებითი მწვრთნელი ჰყავს. "სტეჟარის" წლევანდელ ერთა თასზე გუნდის კაპიტანი, შერკინების კვაჭი მარიუს ტინკუ უთავკაცებს.
მან და მისმა ასისტენტებმა პორტუგალიისა და უკრაინის ნაკრებებთან მატჩებისთვის 34 მორაგბეს უხმეს. გამოძახებულთა შორის არ არის პაულიკა იონი, რომელმაც საწვრთნელ შეკრებაზე ოჯახური პრობლემების გამო ჩასვლა ვერ შეძლო.
ეროვნულ ნაკრებში თამაში დაასრულა შერკინების ბურჯმა
ერთა თასის სასტარტო ორ მატჩს გამოტოვებს მესამეხაზელი ოვიდიუ ტონიცაც, რომელიც ფრანგულმა კლუბმა, "პერპინიანმა" არ გაანთავისუფლა. ნაკრებში გამოძახებული არ არის გარემარბი კატალინ ფერკუ. მას დისკვალიფიკაცია აქვს, რადგან ფრენის შიშით უარი თქვა ახალ ზელანდიაში გამგზავრებაზე და მსოფლიოს თასზე არ უასპარეზია.
ძველი გამოცდილი მოთამაშეებიდან ნაკრებში დარჩნენ დანუც დუმბრავა, იულიან დუმიტრაში, კრიტიან პეტრე და ვალენტინ კალაფეტეანუ. ამჟამად "სტეჟარის" საწვრთნელ შეკრებაზე გამოძახებულ მორაგბეთა უმრავლესობა, რუმინული რაგბის ახალი თაობაა.
შეგახსენებთ, რომ "ბორჯღალოსნები" რუმინეთის ნაკრებს 10 მარტს ბუქარესტში დაუპირისპირდებიან.
რუმინეთის ნაკრები
შერკინება: ანდრეა ურსაკე, ანდრეი რადოი, მიჰაი მაკოვეი (სამივე-ბაია მარე), მიჰაიტა ლაზარი, ვალენტინ ურსაკე (ორივე-ექსი), ნიკოლაი ნერე, დანიელ იანუსი, ვიორელ ლუკაჩი (სამივე-სტიაუა), პეტრუ ტამბა, ვლად ბადალიჩესკუ, ფლავიუს დობრე, კოსმინ რატიუ, (ოთხივე-დინამო), მარიუს ტინკუ (პერპინიანი), კრისტიან პეტრე (სენტ ეტიენი), ვალენტინ პოპირლანი (ბუქარესტი), ალინ კოსტე (ბურგ ან ბრესი), დანიელ კარპო (ტიმიშოარა), ანდრეი გორკიოაია (კასტელსარასინი).
უკანა ხაზი: ფლორინ სურუჯუ (ბუქარესტი), ვალენტინ კალაფეტეანი, მადალინ ლემნარუ (ორივე-ტიმიშოარა), გრიგორას დიაკონესკუ, დანუც დუმბრავა, ფლორინ ვლაიკუ (სამივე-სტიაუა), ჩაბა გალი, კრისტიან დინისი, სტეფან ჩუნტუ, გეორგ კატუნა, იონუც ნიაჩუ (ხუთივე-ბაია მარე), კონსტანტინ გეარა, ადრიან აპოსტოლი (ორივე-ფარული), კატალინ ნიკოლაე (დინამო), იულიან დუმიტრაში (ლურდი), დორინ მანოლე (ორტეზი).
ერთა თასი
4 თებერვალი
რუმინეთი-პორტუგალია
11 თებერვალი
რუმინეთი-უკრაინა
25 თებერვალი
რუსეთი-რუმინეთი
10 მარტი
რუმინეთი-საქართველო
17 მარტი
ესპანეთი-რუმინეთი
ყოველდღიური სპორტული გაზეთი "ლელო"
