ბურთი, რომლითაც საქართველოსა და რუსეთის მორაგბეთა ეროვნულმა ნაკრებებმა მატჩი ჩაატარეს, აუქციონზე გაიყიდა.
ვიდეო აუქციონი საგამოფენო ცენტრ "მუზაში" მოეწყო. ბურთის საწყისი ფასი 100 ლარი იყო, თუმცა, საბოლოოდ ერთ-ერთი ბანკის წარმომადგენელმა 1 100 ლარად შეიძინა.
აუქციონის ფარგლებში გაიყიდა საქართველოს ეროვნული ნაკრების წევრთა მაისურებიც, მათ შორის მამუკა გორგოძის მაისური 3 000 ლარად, ხოლო ნაკრების კაპიტნის, ირაკლი აბუსელიძის მაისური - 2 100 ლარად. აუქციონზე გამოტანილი იყო მორაგბეთა ჰალსტუხებიც.
საერთო ჯამში გაყიდული ნივთებიდან აუქციონზე შემოსულმა თანხამ 10 000 ლარზე მეტი შეადგინა. თანხა ერთ-ერთ მზრუნველობამოკლებულ ბავშვთა სახლს
17 მარტს მიხეილ მესხის სახელობის სტადიონზე საქართველოს მორაგბეთა ეროვნულმა გუნდმა რუსეთის ნაკრები 46:0 დაამარცხა და საპრემიო ქულა მოიპოვა. ქართველებმა რუს მორაგბეებს ექვსი უპასუხო ლელო დაუდეს.
palitratv.ge
