საქართველოს რაგბის კავშირის პრეზიდენტმა გიორგი ნიჟარაძემ "ლელოსთან" ინტერვიუში განაცხადა, რომ ნაკრების მორაგბე ირაკლი აბუსერიძე კარიერის დასრულებას აპირებს და აბუს საზეიმო გაცილებაზე ისაუბრა. გიორგი ნიჟარაძე: "ირაკლი აბუსერიძემ გადაწყვიტა, რაგბის თამაშს თავი დაანებოს. მთელი საქართველოს სახელით, ვისაც უყვარს და ქომაგობს რაგბის, მინდა მას უდიდესი მადლობა გადავუხადო, როგორც შესანიშნავ მორაგბეს, პიროვნებასა და კაპიტანს.
მან მრავალი წლის განმავლობაში ქართულ რაგბის შეალია თავისი ენერგია და ჯანმრთელობა.
თანაგუნდელებთან ერთად, გახდა მრავალი დიდი გამარჯვების შემოქმედი. მიმაჩნია, რომ აბუსერიძე საქართველოს ნაკრების ისტორიაში ერთ-ერთი საუკეთესო კაპიტანი იყო.
ძლიერ მწყდება
გადავწყვიტეთ, ირაკლი ეროვნული გუნდის კომუნიკაციის მენეჯერად დავნიშნოთ. მის მოვალეობაში შედის კომუნიკაციის უზრუნველყოფა როგორც მოთამაშეებსა და მწვრთნელებს, ასევე მოთამაშეებსა და რაგბის კავშირს შორის.
მას ექნება მუდმივი კავშირი ლეგიონერებთან. ამასთან ერთად, ირაკლი აბუსერიძე საქართველოს ნაკრების მწვრთნელთა შტაბის წევრია.
სავარაუდოდ, ესპანეთის ნაკრებთან მატჩისას, მას საზეიმოდ გავაცილებთ. დარწმუნებული ვარ, რაგბის ქართველი ქომაგი მას სათანადო პატივს მიაგებს. გუნდის ახალი კაპიტნის ვინაობა კი მწვრთნელებისა და წამყვანი მოთამაშეების კონსულტაციის შემდეგ გაირკვევა".
ინტერვიუს სრულ ვერსიას ვებგვერდზე დღის მეორე ნახევარში იხილავთ.
ყოველდღიური სპორტული გაზეთი "ლელო"
