საქართველოს მორაგბეთა ნაკრების მთავარმა მწვრთნელმა მილტონ ჰეიგმა ესპანეთის ეროვნულ გუნდთან ერთა თასის მეოთხე ტურის მატჩის შემდეგ კომენტარი გააკეთა.შეგახსენებთ, რომ "ბორჯღალოსნებმა" ესპანელები ანგარიშით 61:18 გაანადგურეს.
"პირველი ათი წუთი ცუდად ვითამაშეთ. ხუთი შეცდომა დავუშვით, რაც ძალიან ბევრია. პირველი ტაიმის და ცხადია, მატჩის შედეგითაც კმაყოფილი ვარ, თუმცა უკეთ შეგვეძლო დავალება შეგვესრულებინა. კიდევ ბევრი გვაქვს სამუშაო და დასახვეწი თამაშში. თვითონ ბიჭებიც არ იყვნენ კმაყოფილნი, უკეთესად შეეძლოთ ასპარეზობა.
კმაყოფილი ვარ გუნდის ახალგაზრდა მოთამაშეების გარჯით, თუმცა მათ ყოველ მატჩში უნდა დაამტკიცონ, რომ ძირითად შემადგენლობაში ეკუთვნით
ხარვეზები, როგორც უკვე ვთქვი საკმაოდ გვქონდა. კარგი ის იყო, რომ სამჯერ შევძელით მეტოქესთვის ბურთის რაკში წართმევა და კონტრშეტევაზე ლელოს გატანა.
ამ კომპონენტზე მომავალშიც ვიმუშავებთ, განსაკუთრებით კი რუმინელებთან მატჩის წინ. ამასთან ერთად, მინდა აღვნიშნო, რომ უკანახაზელებმა ისე ითამაშეს, როგორც არასდროს. კმაყოფილი ვარ, თუმცა სასურველი ხარისხისგან ჯერ კიდევ შორს ვართ.
ირაკლი აბუსერიძე გავაცილეთ. მან უდიდესი სამსხური გაუწია ქართულ რაგბის. ის მენტალურად ახლაც მზად არის ითამაშოს, მაგრამ ნაკრების მომავლისთვის უკეთესი იქნება, თუ ახალგაზრდა ცხრა ნომრის მომზადებას ახლავე დავიწყებთ", - თქვა მილტონ ჰეიგმა.
ასევე იხილეთ:
საქართველო-ესპანეთი 61:18 - გმადლობ, აბუ! ყოჩაღ, ბიჭებო! [VIDEO]
