გერმანია "ბორჯღალოსნებთან" მატჩისთვის მზადებას 15 იანვრიდან შეუდგება

ევროპის ერთა თასის გათამაშებას წლეულს ახალი ბინადარი ეყოლება. შეჯიბრებაში შარშანდელი ხელმოცარულის, ბელგიის ნაკრების ნაცვლად გერმანიის ეროვნული გუნდი ითამაშებს, რომელმაც ერთხელ უკვე მიიღო მონაწილეობა ამ ტურნირში. მაშინ გერმანელებმა ყველა მატჩი წააგეს და ისევ დაბალ დივიზიონში დაქვეითდნენ.

მას მერე, რაც შვიდკაცა რაგბი ოლიმპიური თამაშების კალენდარში შეიტანეს, გერმანიამ რაგბის ამ ნაირსახეობის განვითარებას მიჰყო ხელი და საკმაოდ კარგი, ბრძოლისუნარიანი გუნდი შექმნა.

ცხადია, მათ არა აქვთ იმის ილუზია, რომ რიოში მოხვდებიან, მაგრამ ზემოთ აღნიშნულმა ფაქტმა მნიშვნელოვნად შეუწყო ხელი გერმანელთა ეროვნული ნაკრების მოღონიერებას.

"შავი არწივები" მზადებას 15 იანვრიდან დაიწყებენ. მწვრთნელებმა - კობუს პოთხითერმა და პიტერ იორდანმა ჰაიდელბერგში 32 მორაგბეს უხმეს, რომელთაგან ოთხი ლეგიონერია. ესენია: მატიას შოსერი (აბერდინი), კრის ჰოულსი (სენტ-ეტიენი), იულიუს ნოშტადტი (შამბერი) და უნბერტო პილა (სან დონა).

შეგახსენებთ, რომ საქართველოს ნაკრები ერთა თასის პირველ მატჩს სწორედ გერმანელებთან გამართავს სტუმრად 7 თებერვალს.

გერმანია
პასკალ ფიშერი, ბენჟამინ სიმი, ნიკო მიულერი (სამივე-ჰანოვერი), ფალკ დუვე (ბერლინი), შონ არმსტრონგი, კეჰომა ბრენერი, სამი ფიუზელი, არტურ ზეელერი, ბენიამინ დანსო, ანსგარ რუჰნაუ, რობერტ ჰეიტელი, პიერ მატურინი, რობერტ მორი, რეინორ პარკინსონი, ალექს ვიდიკერი, კლემანს ფონ გრუმბკოვი, ანჯო ბუკმანი, ჰენდრიკ ფან დერ მერვე, სტეფან ლეიბიგი (ყველა-ჰაიდელბერგი). ბენ შერერი (ჰაიდელბერგ ტვ), რაფაელ ჰაკლი (რჯ ჰაიდელბეგი), პაულ ვეისი (ნეუენჰეიმი), მარკუს ბენდერი (ჰანდშუნშეიმი), რობ მაი, ჯერემი ტეჰუია, კარლოს სოტერასი (სამივე-პროფზეჰეიმი), მარკ ცინდერა, კირან მანავატუ (ფრანკფურტი), მატიას შოსერი (აბერდინი), კრის ჰოულსი (სენტ-ეტიენი), იულიუს ნოშტადტი (შამბერი), უნბერტო პილა (სან დონა).

ერთა თასი
7 თებერვალი
გერმანია-საქართველო, ესპანეთი-რუსეთი, პორტუგალია-რუმინეთი.

14 თებერვალი
საქართველო-პორტუგალია, რუმინეთი-ესპანეთი, გერმანია-რუსეთი.

28 თებერვალი
ესპანეთი-საქართველო, რუსეთი-რუმინეთი, პორტუგალია-გერმანია.

14 მარტი
საქართველო-რუსეთი, პორტუგალია-ესპანეთი, გერმანია-რუმინეთი.

21 მარტი
რუმინეთი-საქართველო, რუსეთი-პორტუგალია, ესპანეთი-გერმანია.

ყოველდღიური სპორტული გაზეთი "ლელო"