ქართველი მორაგბეები რუსეთთან თამაშში გამარჯვებას გეგმავენ. როგორც წინასამატჩო პრესკონფერენციაზე საქართველოს ნაკრების კაპიტანმა შალვა სუთიაშვილმა განაცხადა, ქართველი მორაგბეები გამარჯვებისთვის იბრძოლებენ."ჩვენი მიზანია ახალი მოთამაშეების გამოცდა და მათი თამაშში ნახვა. ანგარიში იმაზე იქნება დამოკიდებული, თუ როგორ ვითამაშებთ", - აღნიშნა სუთიაშვილმა.
საქართველოს ნაკრების მთავარი მწვრთნელის, მილტონ ჰეიგის განცხადებით, რუსეთს ძლიერი გუნდი ჰყავს.
"რუსი მორაგბეები არიან ფიზიკურად ძლიერები. ასევე, ტაქტიკურადაც კარგად თამაშობენ. რუსეთის ნაკრები ძლიერი გუნდია", - აღნიშნა მილტონ ჰეიგმა.
რუსეთის ნაკრების მთავარი მწვრთნელის, ალექსანდრე ბერუხინის განცხადებით, ხვალინდელი თამაშისთვის გუნდი ოპტიმისტურად არის განწყობილი.
"იმედი
გარდა ამისა, რუსეთის ნაკრების მწვრთნელმა კომენტარი გააკეთა ქართველ მორაგბეებზე, რომლებიც რუსეთის სახელით თამაშობენ. როგორც მწვრთნელმა აღნიშნა, არანაირი ქვეტექსტი არ არის იმ ფაქტში, რომ საქართველოსთან თამაშისთვის ისინი ნაკრებში არ გამოიძახეს.
"ეს მორაგბეები არიან 32 და 34 წლისები. ჩვენ გადავწყვიტეთ, რომ სჯობს არჩევანი გავაკეთოთ ახალგაზრდა მორაგბეებზე", - განაცხადა რუსეთის მთავარმა მწვრთნელმა.
საქართველო და რუსეთი 14 მარტს ერთმანეთს მიხეილ მესხის სახელობის სტადიონზე, 17:00 საათზე დაუპირისპირდებიან. შეხვედრის პირდაპირ ტრანსლაციას "საზოგადოებრივი მაუწყებლის" პირველი არხი განახორციელებს. შეგახსენებთ, რომ მატჩზე დასასწრები ყველა ბილეთი გაყიდულია.
ასევე იხილეთ:
"ბორჯღალოსნებში" რუსეთთან მატჩის წინ ერთბაშად რვა ცვლილებაა [VIDEO+PHOTO]
