1907 წელიუელსის ნაკრებმა გუნდის ექსპერიმენტული განლაგება გამოიყენა. რვა მოთამაშე შერკინებაში იდგა, შვიდი კი - ხაზზე. უელსელებმა ედინბურგში შოტლანდიის ეროვნულ გუნდთან 6:3 მოიგეს.
1935 წელი
უელსის ნაკრებმა კარდიფში შოტლანდიის ეროვნულ გუნდს 10:6 სძლია. უელსელებს გამარჯვება ფულბეკმა ვივ ჯენკინსმა არეკნით მოუტანა.
1963 წელი
კლაივ როულენდსმა ედინბურგში, შოტლანდიის ეროვნულ გუნდთან უელსის ნაკრების გამარჯვებაში ლომის წილი დაიდო. მან მეტოქეს ორი საჯარიმო გაუტანა და უელსელებმა მშრალი ანგარიშით 6:0 გაიმარჯვეს.
1974 წელი
შოტლანდიის ნაკრებმა "კალკუტას თასის" ფინალში 16:14 აჯობა. გამარჯვებას "სკოტებმა" ედი ირვინის საჯარიმოთი მატჩის
1980 წელი
ბილ ბეომონტმა ინგლისის ნაკრებს ბოლო 16 წლის განმავლობაში პირველად მოაგებინა პარიზში საფრანგეთის ნაკრებთან 17:13. "პომების" გამარჯვება მნიშვნელოვნად განაპირობა ცხრა ნომრის, სტივ სმითის და მგეზავის, ჯონ ჰორთონის შესანიშნავმა თამაშმა.
1991 წელი
კრეიგ ჩელმერსი პირველი შოტლანდიელი მორაგბე გახდა, რომელმაც ტესტ მატჩში გუნდს ქულები ყველა ხერხით მოუტანა. "სკოტებმა" შინ, "მერიფილდზე" უელსის ნაკრებს 32:12 მოუგო. ჩემერსმა თითო ლელო, გარდასახვა, საჯარიმო და არეკნი გაიტანა. შოტლანდიელთაგან ლელოები დერეკ ვაითმა და ჰარი არმსტრონგმა მიითვალეს.
2008 წელი
უელსის ნაკრებმა 20-წლიანი პაუზის შემდეგ პირველად მოუგო "თვიქნემზე" ინგლისის ეროვნულ გუნდს. უელსელებმა ექვსი ერის გახსნის მატჩში ბრწყინვალედ ითამაშეს და პირველ ტაიმში, ტობი ფლუდის ლელოთი დაწინაურებული მასპინძლები მაინც დაამარცხეს - 26:19.
"სიტყვები არ მყოფნის აღგიწეროთ რა ბედნიერები ვართ. ეს ყველაზე შესანიშნავი დღეა ჩემს კარიერაში. ჩვენ მუხლჩაუხრელად ვშრომობდით, ვემზადებოდით ამ თამაშისთვის და მიღწეულით უსაზღვროდ ამაყები ვართ", - თქვა უელსელთა შერკინების კვაჭმა რაიან ჯოუნზმა.
"პომებთან" გამარჯვება უელსელებისთვის დამატებითი სტიმული გამოდგა. მათ ბოლო ოთხ წელიწადში დიდი სლემი ორჯერ შეასრულეს.
.
