24 ივნისს საქართველოს ნაკრებმა წყნარი ოკეანის კუნძულებზე ტურნეს უკანასკნელი ტესტ-მატჩი გამართა და ფიჯის, ბევრისთვის მოულოდნელად, 14:3 მოუგო. - "ამ შედეგის მისაღწევად ოთხი კვირის განმავლობაში ყველამ დღე და ღამე იმუშავა"
- ჩვენს სამშობლოს გაუმარჯოს! - "ბორჯღალოსნები" გამარჯვების შემდეგ მღერიან [VIDEO]
- "ბორჯღალოსნებმა" ფიჯისთან სტუმრად ისტორიული გამარჯვება იზეიმეს [VIDEO+PHOTO]
ამ გამარჯვებას გამოხმაურება მოჰყვა მსოფლიოს სარაგბო მედიაში.
planetrugby.com: საქართველო ფიჯიზე უკეთესია
"საქართველოს ნაკრებმა ოკეანეთის ტური მაღალ ნოტზე დაასრულა, როცა სუვაში მძიმე ბრძოლაში ფიჯის ნაკრები დაამარცხა - 14:3. თანაბარ მატჩში საქართველოს ნაკრებმა დაცვაში გმირული თამაშით
skysports.com: საქართველო ფიჯის ამარცხებს და ტურს დაუმარცხებლად ასრულებს
"მგეზავმა ლაშა ხმალაძემ შეხვედრის ერთადერთი ლელო დადო და საქართველოს ნაკრებმა ფიჯისთან მატჩი 14:3 მოიგო. მართალია, მერაბ კვირიკაშვილმა ააცილა გარდასახვა, მაგრამ შემდეგ ორი საჯარიმო გაიტანა და საქართველოს ნაკრებმაც გამარჯვება იზეიმა.
ამით "ლელოების" სამმატჩიანი ტურნე დაუმარცხებლად დასრულდა".
ავსტრალიური sbs.com.au: საქართველო ოკეანეთში დაუმარცხებელია
"ლაშა ხმალაძის ერთადერთი ლელოს წყალობით, საქართველომ სუვაში 14:3 დაამარცხა ფიჯი. მსოფლიო რეიტინგში მე-12 ადგილზე მყოფმა გუნდმა ჯერ მე-14 ადგილზე მყოფ სამოასთან 19:19 ითამაშა, შემდეგ კი მე-15 ადგილზე მყოფ ტონგას 23:20 მოუგო და აი, პარასკევს მე-10 ადგილზე მყოფი ფიჯი დაამარცხა".ზელანდიური stuff.co.nz: საქართველომ ფიჯი ლელოს გარეშე დატოვა
"ფიჯიმ ვერაფერი მოუხერხა საქართველოს ნაკრების დაცვას. ერთადერთი, რაც მასპინძლებმა შეძლეს, ნიკ ვოლავოლას საჯარიმოა. სამაგიეროდ, ლაშა ხმალაძემ ლელო დადო და ქართველებმა 14:3 მოიგეს, ტურნეს ბოლო მატჩი და შინ დაუმარცხებლები ბრუნდებიან".
იტალიური onrugby.it: საქართველო ვერც ფიჯიმ გააჩერა
"საქართველოს ნაკრებმა ოკეანეთის ტურნე ორი მოგებით და ერთი ფრეთი დაასრულა. ოკეანეთელებმა საქართველო ვერ გააჩერეს. კავკასიელები სუთიაშვილის წინამძღოლობით უკეთესები აღმოჩნდნენ და 14:3 იმარჯვეს. ტაიმი 3:3 დასრულდა, მაგრამ ლაშა ხმალაძის ლელომ და მერაბ კვირიკაშვილის ჯარიმებმა უპირატესობა სტუმრებს მოუტანა".
dailymail.co.uk: ივნისის ტესტებში საქართველო დაუმარცხებელია
"ლაშა ხმალაძის ერთადერთი ლელო გადამწყვეტი აღმოჩნდა მატჩში, რომელშიც საქართველომ ფიჯი 14:3 დაამარცხა. შედეგად, საქართველოს ნაკრები ივნისის ტესტებში დაუმარცხებელია. "ჩვენ ყველა თამაშის მოგება გვსურდა და ბოლო მატჩში წაგება დასანანია", - ამბობს ფიჯის თავკაცი ჯონ მაკკი".
fijitimes.com: საქართველომ ფიჯის ფრთები წააჭრა
"ფიჯიმ წააგო ივნისის ბოლო შეხვედრა, 3:14 საქართველოსთან. საქართველომ ფრთები წააჭრა ფიჯელებს, რომელთაც ვეღარ შეძლეს ფრენა".შეგახსენებთ, რომ ფიჯის ნაკრებს Flying Fijians-ს (მფრინავი ფიჯელები) ჰქვია.
აფრიკული "სუპერ რაგბი" sarugbymag.co.za: ქართველებმა ფიჯი გააოგნეს
!["ბორჯღალოსნების" 4 ლელო და კარგი მეორე ტაიმი - საქართველო ტესტ-მატჩში ავსტრალიასთან დამარცხდა [VIDEO]](/pictures/image7/631192a2ce41d22fd7bb5776f653c1d8.png "\"ბორჯღალოსნების\" 4 ლელო და კარგი მეორე ტაიმი - საქართველო ტესტ-მატჩში ავსტრალიასთან დამარცხდა [VIDEO]")
