საქართველოს ნაკრების შერკინების კვაჭი ირაკლი ნატრიაშვილი საფრანგეთის სარაგბო ჩემპიონატის ელიტურ, პირველ დივიზიონში მოასპარეზე "ბრივში" ჩაირიცხა. ეს გუნდი ქართველი მორაგბეებისთვის ახალი არ არის. ბრიველების თავკაცი უგო მოლა კარგად იცნობს და აფასებს ჩვენებურ პირველხაზელებს. ის ერთი ხანობა ლეგენდარული ქართველი მორაგბის ლევან (ლეონსიო) ცაბაძის თანაგუნდელიც იყო.
"ბრივში" ამჟამად კიდევ ორი ქართველი, საქართველოს ნაკრების შერკინების ბურჯები დავით ხინჩაგიშვილი და ვასილ კაკოვინი თამაშობენ. ბრივში ჩასულ ნატრიაშვილს სპეციალური ტესტები ჩააბარებინეს. გუნდის მწვრთნელები კმაყოფილნი დარჩნენ მისი როგორც ფიზიკური კონდიციებით, ისე ტექნიკური არსენალითა და ტაქტიკური აზროვნებით. შედეგად, "ბრივმა"
შეგახსნებთ, ნატრიაშვილი შერკინების მეორე კვაჭია (#2), ვინც საფრანგეთის ელიტური დივიზიონის გუნდში იასპარეზებს. აქამდე ელიტაში, სხვადასხვა გუნდებში, წლების განმავლობაში მხოლოდ აქვსენტი გიორგაძე (კასტრი) თამაშობდა.
