საფრანგეთის სარაგბო ჩემპიონატის ელიტურ, პირველ დივიზიონში რეგულარული გათამაშების დასრულებამდე ხუთი ტური დარჩა. საპლეიოფო ექვსეულში კი ქართველ მორაგებეთა ხუთი გუნდია: "ტულუზი", "კლერმონი", "ტულონი", "მონპელიე" და "კასტრი". მედლებისთვის ბრძოლის გაგრძელების შანსი აქვს კიდევ ერთ "ქართულ გუნდ" "აჟენს", რომელიც მეექვსეადგილოსან "მეტრო რასინგს" ხუთი ქულით ჩამორჩება. გათამაშების ლიდერი, აქვსენტი გიორგაძისა და ჯაბა ბრეგვაძის "ტულუზი", სტუმრად ეთამაშება მეათეადგილოსან "ბორდოს", რომელსაც დივიზიონის დატოვების საფრთხე ემუქრება. ტულუზელები წელს ჩემპიონატის დასაწყისიდანვე ბრწყინვალედ ასპარეზობენ და პირველობის უმთავრესი ფავორიტები არიან.
აღსანიშნავია, რომ ამ გუნდებს შორის პირველი წრის შეხვედრა "ტულუზმა" შინ
დავით ზირაქაშვილის "კლერმონი", რომელიც ამჟამად 69 ქულით მეორე ადგილზე იმყოფება შინ დაუპირისპირდება "პერპინიანს", რომელიც 34 ქულით თავისთვის უჩვეულო მე-11 ადგილზე იმყოფება და დივიზიონიდან გავარდნის ერთ-ერთი კანდიდატია.
"ვულკანები", რომლებსაც შინ ორი სეზონია არ წაუგიათ, ცხადია, ამ შეხვედრაში ფავორიტები არიან. ჩვენებურის გუნდმა მიმდინარე გათამაშებაში ნოემბრიდან მოყოლებული დღემდე არ იცის მარცხის სიმწარე. "კლერმონს" ეროვნული ნაკრებიდან დაუბრუნდნენ ვესლი ფოფანა, ორელიან რუჟერი და ჟულიენ ბონერი. მასპინძელთა უპირატესობაზე სტატისტიკური მონაცემებიც მეტყველებს. კლერმონელებმა წელს 37 ლელო გაიტანეს, "პერპინიანმა" კი - 20.
პირველ წრეში "კლერმონმა" სტუმრად 39:3 მოიგო. ზირაქაშვილის ტრავმირებულია და არ ითამაშებს.
საინტერესო ბრძოლაა მოსალოდნელი "სტად დე მაიოზე", სადაც მესამე ადგილოსანი დავით ქუბრიაშვილის "ტულონი" მეექვსეადგილოსან "მეტრო რასინგს" დაუპირისპირდება. ტულონელები "ვულკანებს" 11 ქულით ჩამორჩებიან და დიდი ძალისხმევა დასჭირდებათ, რათა პირდაპრ ნახავარფინალში თამაშის უფლება დაიბევონ.
"ტულონს" ვერ უხელმძღვანელებს მთავარი მწვრთნელი ბერნარ ლაპორტი, რომელსაც საფრანგეთის რაგბის ნაციონალური ლიგის სადისციპლინო კომიტეტმა 60-დღიანი დიკვალიფიკაცია მიუსაჯა. მასპინძლებს პარიზელებთან მატჩში სამხრეათაფრიკელი მესამეხაზელი ჯო ფან ნიკერკი უკაპიტნებს. საეჭვოა ბენჟამინ ლაპეირისა და ალექსის პალისონის თამაში.
პირველ წრეში "ტულონმა" სტუმრად "მეტრო რასინგის" დამარცხება შეძლო - 16:8. ქუბრიაშვილი თადარიგში იქნება.
21-ე ტურის ცენტრალურ შეხვედრად მამუკა გორგოძის, გიორგი ჟღენტის, მიხეილ ნარიაშვილისა და გოდერძი შველიძის "მონპელიესა" და ანტონ ფეიქრიშვილის "კასტრის" დაპირისპირებაა აღიარებული.
ორივე ეს გუნდი პლეი ოფის პოტენციური მონაწილეები არიან. ბოლო ტურებში "მონპელიე" მეტოქეზე ბევრად უკეთ გამოიყურება. გორგოძე და კომპანია საკმაოდ უხვლელოიანები არიან, თუმცა ისიც საგულისხმოა, რომ ხშირად ჯარიმდბიან. "კასტრს" კი საჯარიმოების გამოყენების ყველაზე მაღალი პროცენტი აქვს. ამ გუნდის ფულბეკი რომენ ტულე საფრანგეთის ჩემპიონატში ერთ-ერთი საუკეთესო დამრტყმელია.
"მონპელიეს" თავკაცს ფაბიენ გალტიეს ეროვნული ნაკრებებიდან დაბრუნებული მამუკა გორგოძისა და მგეზავი ფრანსუა ტრინ-დუკის იმედი აქვს. ყველასთვის ცხადია, რომ ამ ორი მოთამაშის ყოფნა გუნდში, თამაშს სრულიად გარდაქმნის და "მონპელიე" ბევრად უფრო მრისხანე ხდება.
პირველ წრეში "კასტრმა" სტუმრად "მონპელიეს" 21:16 მოუგო. გორგოძე, ჟღენტი და ფეიქრიშვილი ძირითად შემადგენლობაში არიან, ნარიაშვილი და შველიძე განაცხადში არ არიან.
ბექა შეყლაშვილის "აჟენი", რომელიც 44 ქულით მერვე ადგილზეა, სტუმრად ეთამაშება სატურნირო ცხრილის მეზობელ "სტად ფრანსეს", რომელსაც სამი ქულით ჩამორჩება. ცხადია, ორივე პლეი ოფში მოხვედრისთვის იბრძვის. უკეთეს მდგომარეობაში, რა თქმა უნდა, პარიზელები არიან. მათ რიგებში საფრანგეთისა და იტალიის ნაკრებში მივლენილი მოთამაშეები დაბრუნდნენ.
ამასთან ერთად, "სტად ფრანსე" ლელოების რაოდენობითაც ორჯერ უსწრებს მეტოქეს. პირველ წრეში აჟენელბმა შინ დმაჯერებლად მოიგეს - 37:13. იგივეს გამეორება, ამჯერად ძალზედ გაუჭირდებათ. პირიქით, "სტად ფრანსესგან" ყველა დიდი ანგარიშით მოგებას ელოდება. მით უფრო, რომ გუნდის 25-ათასიან სტადიონზე ბილეთები ერთი დღით ადრე მთლიანად გაყიდული იყო.
შეყლაშვილი სათადარიგოთა შორისაა.
დავით ხინჩაგიშვილის, ვასილ კაკოვინისა და ირაკლი ნატრიაშვილის "ბრივი" სტუმრად დაუპირისპირდება ბოლოსწინა ადგილზე მყოფ "ბაიონს". ჩვენებურთა გუნდს საფრანგეთის ელიტურ, პირველ დივიზიონში ყველაზე გაუვალი დაცვის ხაზი ყავს, თუმცა ბრიველებს ოდნავ უჭირთ შეტევისას.
ბასკურ გუნდს დივიზიონიდან გავარდნის საფრთხე რეალურად ემუქრება და, სავარაუდოდ, მეტოქეს სამკვდრო-სასიცოცხლო ბრძოლას გაუმართავს. პირველ წრეში "ბრივმა" შინ 30:10 მოიგო.
გურამ კავთიძისა და ტარიელ რატიანიძის "ლიონი", რომელიც 26 ქულით ბოლო ადგილზეა, შინ ეთამაშება ბასკურ "ბიარიცს", რომელსაც რვა ქულით ჩამორჩება. ლიონელებს ჯერ კიდევ შეუძლიათ მდგომარეობა გამოასწორონ და გავარდნას გადარჩენენ. საამისოდ კი დიმიტრი იაშვილისა და კომპანიის აუცილებლად დამარცხება მართებთ.
I დივიზიონი
XXI ტური
ბორდო-ტულუზი, სტად ფრანსე-აჟენი, ლიონი-ბიარიცი, კასტრი-მონპელიე, კლერმონი-პერპინიანი, ტულონი-მეტრო რასინგი, ბაიონი-ბრივი.
სატურნირო მდგომარეობა
1. ტულუზი - 73 ქულა, 2. კლერმონი - 69, 3. ტულონი - 58, 4. მონპელიე - 52, 5. კასტრი - 51, 6. მეტრო რასინგი - 49, 7. სტად ფრანსე - 47, 8. აჟენი - 44, 9. ბრივი - 37, 10. ბორდო - 37, 11. პერპინიანი - 34, 12. ბიარიცი - 34, 13. ბაიონი - 30, 14. ლიონი - 26.
ყოველდღიური სპორტული გაზეთი "ლელო"
