საფრანგეთის სარაგბო ჩემპიონატის ელიტურ, პირველ დივიზიონში რეგულარული გათამაშების დასრულებამდე ოთხი ტური დარჩა. პლეი ოფში გასვლისთვის შვიდი გუნდი იბრძვის, მათ შორის ხუთი ქართველი მორაგბეებისაა. პლეი ოფში მოხვედრის თეორიული შანსი აქვს კიდევ ორ "ქართულ გუნდს", "აჟენს" და "ბრივს", თუმცა მათი მოწინავეთა რიგებში ხილვა ნაკლებად სავარაუდოა.
23-ე ტურს გათამაშების ლიდერი, ქვეყნის მოქმედი ჩემპიონი ჯაბა ბრეგვაძისა და აქვსენტი გიორგაძის "ტულუზი" გახსნის.
გი ნოვეს ბიჭები სტუმრად ეთამაშებიან დივიზიონში ადგილის შენარჩუნებისთვის მებრძოლ "პერპინიანს". კატალონიელებს წაგების უფლება აღარ აქვთ, წინააღმდეგ შემთვევაში, საფრანგეათის ბოლო წლების ერთ-ერთ საუკეთესო გუნდი
მიუხედავად იმისა, რომ "ტულუზს" თითქმის განაღდებული აქვს პლეი ოფის ნახევარფინალში თამაში, გი ნოვემ საასპარეზოდ მაინც ძლიერი შემადგენლობა შეარჩია.
ბრეგვაძე და გიორგძე ტრავმირებულნი არიან. "ტულუზმა" პირველ წრეში შინ 21:17 მოიგო. Planetrugby-ს მიაჩნია, რომ ამჯერად გამარჯვება "პერპინიანს" უფრო სჭირდება და მინიმუმ ექვსი ქულით მოიგებს.
ტულუზელებს კვალში უდგას დავით ზირაქაშვილის "კლერმონი", რომელიც შინ ეთამაშება პლეი ოფში მოხვედრისთვის მებრძოლ, მეშვიდეადგილოსან "სტად ფრანსეს". "ვულკანები" მესამე ადგილზე მყოფ "ტულონს" ცხრა ქულით უსწრებენ და პლეი ოფის ნახევარფინალში თამაშის უფლება ჯერ მოპოვებული არ აქვთ. ამიტომ საშინაო მატჩში "პარიზელებთან" მხოლოდ გამარჯვება აძლევთ ხელთ.
მასპინძლებს ჯეიმზ კუდმორი და ვესლი ფოფანა დააკლდებათ. საკმაოდ სერიოზული დანაკლისი აქვს "სტად ფრანსეს", "კლერმონს" ვერ დაუპირისპირდებიან ფელიპე კონტეპომი, სერხიო პარისე, დიმიტრი შარჟევსკი და პასკალ პაპე.
პირველ წრეში პარიზელებმა შინ 37:16 იმარჯვეს. Planetrugby-ს პროგნოზით "კლერმონი" მინიმუმ 12 ქულით მოიგებს.
დავით ქუბრიაშვილის "ტულონი" სტუმრად ეთამაშება ბექა შეყლაშვილის "აჟენს", რომელმაც მეორე წრეში პირველთან შედარებით ბევრად უარესად იასპარეზა. მაგალითად, აჟენელებმა ბოლო თერთმეტ მატჩში მხოლოდ სამი მოიგეს.
შეყლაშვილი და კომპანია ამჟამად 44 ქულით მე-8 ადგილზეა და თეორიულად დივიზიონიდან გავარდნის საფრთხე ემუქრება, თუმცა, როგორც უკვე ვთქვით, შეუძლია პლეი ოფშიც გააღწიოს.
"ტულონი" კი, თამამად შეიძლება ითქვას, რომ უკვე პლეი ოფშია და მეორე ადგილის დაკავებისთვის იბრძვის, რაც პირდაპირ ნახევარფინალში თამაშის უფლებას იძლევა. ქუბრიაშვილი და შეყლაშვილი განაცხადში არიან.
პირველ წრეში "ტულონმა" შინ 34:12 მოიგო, Planetrugby-ს მიაჩნია, რომ სტუმრები ამჯერადაც მოიგებენ, ოღონდ მინმუმ ექვის ქულის სხვაობით.
მამუკა გორგოძის, გიორგი ჟღენტის, მიხეილ ნარიაშვილისა და გოდერძი შველიძის "მონპელიე" შინ მიიღებს აუტსაიდერს, გურამ კავთიძისა და ტარიელ რატიანიძის "ლიონს", რომელიც ძალიან ძნლებად წარმოსადგენია, რომ გავარდნას გადაურჩეს.
მონპელიელებს პლეი ოფში ადგილის გასანაღდებლად აუცილებლად გამარჯვება სჭირდებათ. აღსანიშნავია, რომ ოპერაციის შემდეგ, გუნდს დაუბრუნდა 40 კილოგრამდაკლებული შერკინების მწვრთნელი ერიკ ბეშუ.
გორგოძე ძირითად შემადგენლობაშია, ჟღენტი სათადარიგოთა სკამზე გაამწესეს, ნარიაშვილი, კავთიძე, შველიძე და რატიანიძე განაცხადში არ არიან.
პირველ წრეში "მონპელიემ" სტუმრად 30:10 მოიგო. Planetrugby-ს პროგნოზით, გამარჯვება ისევ მონპელიელებს დარჩებათ, მინიმუმ 15 ქულის სხვაობით.
ანტონ ფეიქრიშვილის "კასტრი", რომელიც "მონპელიეს" ყველაზე საშიში კონკურენტია, შინ ეთამაშება "ბორდოს", რომელიც ჯერ კიდევ სახიფათო ზონაში იმყოფება. ბოლოსწინა ადგილზე მყოფ "ბაიონს" ის მხოლოდ შვიდი ქულით უსწრებს.
პირველ წრეში "ბორდომ" შინ 24:9 მოიგო. Planetrugby-ს მიაჩნია, რომ ამჯერად "კასტრი" ცხრა ქულით გაიმარჯვებს.
დავით ხინჩაგიშვილის, ვასილ კაკოვინისა და ირაკლი ნატრიაშვილის "ბრივი" სტუმრად დაუპირისპირდება პარიზულ "მეტრო რასინგს". ბრიველებმა ბოლო ტურებში წარმატებულად იასპარეზეს და მნიშვნელოვნად გამოიკეთეს სატურნირო მდგომარეობა.
ამასთან ერთად, ისიც აღსანიშნავია, რომ ჩვენებურთა გუნდმა შესანიშნავად იასპარეზა "ემლინ ჩელენჯ კაპის" გათმაშების მეოთხედფინალში. რაც იმის თვალსაჩინო დასტურია, რომ "ბრივი" კარგ ფორმაშია და იოლად არვის არაფერს დაუთმობს.
აღსანიშნავია, რომ "ბრივს" ტრავმირებული მოთმაშეები აღარ ჰყავთ. ახლახან გამოჯანმრთელდა და გუნდს დაუბრუნდა საფრანგეთის ნაკრების წევრი ფაბრის ესტებანესი.
საკმაოდ სოლიდური შევსება აქვს "მეტრო რასინგსაც". პარიზელთა რიგებს შეუერთდა ანდრეა ლო ჩიჩერო, ბერნარ ლე რუ, რემი ბიანჩინი და გიომ ბუსე.
პირველ წრეში "მეტრო რასინგმა" სტუმრად 19:12 მოიგო. Planetrugby-ს პროგნოზით, გამარჯვება ამჯერადაც პარიზელებს დარჩებათ მინიმუმ ათი ქულით.
XXIII ტური
პერპინიანი-ტულუზი, მეტრო რასინგი-ბრივი, მონპელიე-ლიონი, კლერმონი-სტად ფრანსე, აჟენი-ტულონი, ბაიონი-ბიარიცი, კასტრი-ბორდო.
სატურნირო მდგომარეობა
1. ტულუზი - 78 ქულა, 2. კლერმონი - 74, 3. ტულონი - 63, 4. მონპელიე - 57, 5. კასტრი - 55, 6. მეტრო რასინგი - 54, 7. სტად ფრანსე - 53, 8. აჟენი - 44, 9. ბრივი - 42, 10. ბიარიცი - 42, 11. ბორდო - 41, 12. პერპინიანი - 40, 13. ბაიონი - 34, 14. ლიონი - 30.
ყოველდღიური სპორტული გაზეთი "ლელო"
