საფრანგეთის ჩემპიონატის ესპუართა ლიგის რეგულარული გათამაშების დასრულებამდე ერთი ტური დარჩა. მიუხედავად ამისა, ქართველ მორაგბეთა გუნდებიდან პლეი ოფში თამაშის უფლება "კლერმონმა" და "ტულონმა" უკვე მოიპოვეს. ჯგუფში რეგულარული გათამაშება ვიქტორ კოლელიშვილისა და გიორგი ჯაშიტაშვილის "კლერმონმა" მოიგო.
"უმცროსმა ვულკანებმა" ბოლოსწინა ტურში შინ დაამარცხა "ბაიონი" - 34:19. კონსტანტინე მიქაუტაძისა და ლევან ჩილაჩავას "ტულონმა" კი, რომელიც 52 ქულით მესამე ადგილზეა, ასევე შინ დიდი ანგარიშით მოუგო "ბურგუენს" - 55:17.
დავით ლოსაბერიძის "პომ" სტუმრად წააგო "მონპელიესთან" - 3:22. ჩვენებურის ეს გუნდი 29 ქულით მეშვიდე ადგილზეა.
XVII ტური
ტულონი-ბურგუენი 55:17, მონპელიე-პო 22:3, პერპინიანი-აჟენი 19:13, კლერმონი-ბაიონი 34:19, ტულუზი-ლიონი (გადაიდო).
სატურნირო მდგომარეობა
1. კლერმონი - 67 ქულა, 2. პერპინიანი - 58, 3. ტულონი - 52, 4. აჟენი - 47, 5. მონპელიე - 44, 6. ბაიონი - 39, 7. პო - 29, 8. ტულუზი - 25, 9. ლიონი - 19, 10. ბურგუენი - 17.
XVIII ტური
პო-ტულუზი, აჟენი-მონპელიე, ბაიონი-პერპინიანი, ლიონი-ტულონი, ბურგუენი-კლერმონი.
* * *
B ჯგუფიდან ქართველ მორაგბეთა გუნდებმა პლეი ოფში ვერ გააღწიეს. გიორგი მენაბდიშვილის "გრენობლმა" ბოლოსწინა ტურში სტუმრად წააგო "ბრივთან" - 9:15. "ალპელებს" 35 ქულა აქვთ და მე-5 ადგილზე არიან.
ირაკლი მირცხულავას "ტარბი", რომელიც 28 ქულით მერვე ადგილზეა, სტუმრად დამარცხდა "ლა როშელთან" - 10:19.
B ჯგუფი
სტად ფრანსე-მეტრო რასინგი 20:7, ბრივი-გრენობლი 15:9, კასტრი-ბიარიცი 17:35, ბორდო-ნარბონი 14:18, ლა როშელი-ტარბი 19:10.
სატურნირო მდგომარეობა
1. სტად ფრანსე - 69 ქულა, 2. ლა როშელი - 61, 3. ბიარიცი - 56, 4. ნარბონი - 43, 5. გრენობლი - 35, 6. ბრივი - 32, 7. კასტრი - 31, 8. ტარბი - 28, 9. ბორდო - 22, 10. მეტრო რასინგი - 18.
XVIII ტური
ნარბონი-სტად ფრანსე, გრენობლი-კასტრი, მეტრო რასინგი-ბრივი, ტარბი-ბორდო, ბიარიცი-ლა როშელი.
ყოველდღიური სპორტული გაზეთი "ლელო"
