საფრანგეთის სარაგბო ჩემპიონატის ფედერალ 1 დივიზიონში პირველი ტურის მატჩები გაიმართა. აქ მოასპარეზე 14 გუნდში 19 ქართველი მორაგბე ირიცხება, რომელთაგან უმეტესობა დიდი ხანია, საფრანგეთის ამ სანახევროდ პროფესიულ ლიგაში თამაშობს. გათამაშების ფორმატი უცვლელია, 40 გუნდი ოთხ ჯგუფშია განაწილებული. მომდევნო ეტაპზე, პლეი ოფის მერვედფინალში, ოთხ-ოთხი საუკეთესო განაგრძობს ბრძოლას. ელიტური, მეორე დივიზიონის საგზურს კი ფინალში გასული ორი გუნდი მიიღებს.
A ჯგუფი
A ჯგუფში ქართველ მორაგბეთა ხუთი გუნდი ასპარეზობს: "სენტ ეტიენი", "მაკონი", "სტრასბური", "მონლუსონი" და "ვიენი". ამათგან გამარჯვებას მხოლოდ ორმა მიაღწია. ავთანდილ კოპალიანისა და შოთა
აღსანიშნავია, რომ ჩვენებურთა გუნდმა პირველი ტაიმი 11:24 წააგო, თუმცა შესვენების შემდეგ მდგომარეობის გამოსწორება შეძლო, მეტოქეს მონაგრის გაზრდის საშუალება აღარ მისცა, თავად კი 24 ქულას მოუყარა თავი და პირველი გამარჯვება მიითვალა.
კოპალიანი ძირითად შემადგენლობაში იყო და 75-ე წუთზე ის მელიქიძემ შეცვალა.
ზერო პეტრიაშვილის "ვიენმა" სტუმრად დაამარცხა რეზო გიგაურის, გიორგი ჯაშიტაშვილისა და ელიზბარ ყუფარაძის "მონლუსონი" - 19:12.
თამაში, მიუხედავად იმისა, რომ სტუმრები ანგარიშში მუდამ წინ იყვნენ, თანაბარ ბრძოლაში წარიმართა. მასპინძლებს ფორტუნამ ზურგი აქცია და გამარჯვება "ვიენს" დარჩა.
ყუფარაძე სათადარიგოთა შორის იყო და მატჩში 45-ე წუთიდან ჩაერთო, გიგაური მოედანზე 11 წუთის შემდეგ გამოჩნდა, პეტრიაშვილი და ჯაშიტაშვილი განაცხადში არ იყვნენ.
გიორგი გაბელიას "სენტ ეტიენმა" შინ წააგო ჯგუფის სავარაუდო ფავორიტ "ბურგ ან ბრესთან" - 16:23. გაბელია თამაშში 53-ე წუთიდან ჩაერთო.
გიორგი სულუაშვილის "სტრასბური" სტუმრად დიდი ანგარიშით დამარცხდა "ლილთან" - 6:49. ქართველ მორაგბეს არ უთამაშია.
I ტური
სენტ ეტიენი-ბურგ ან ბრესი 16:23, დიჟონი-ბობინი 27:22, მონლუსონი-ვიენი 12:19, ლილი-სტრასბური 49:6, მაკონი-შალონი 35:24.
სატურნირო მდგომარეობა
1. ლილი - 5 ქულა, 2. მაკონი - 4, 3. ბურგ ან ბრესი - 4, 4. ვიენი - 4, 5. დიჟონი - 4, 6. ბობინი - 1, 7. მონლუსონი - 1, 8. სენტ ეტიენი - 1, 9. შალონი - 0, 10. სტრასბური - 0.
II ტური
ბურგ ან ბრესი-დიჟონი, ბობინი-მონლუსონი, ვიენი-ლილი, სტრასბური-მაკონი, სენტ ეტიენი-შალონი.
B ჯგუფი
"ოთხი ქართული" გუნდი ასპარეზობს B ჯგუფშიც. ესენია: "როდეზი", "ობენა", "შატორენარი" და "რომანი".
პირველ ტურში მხოლოდ ერთმა, დავით კაჭარავას "როდეზმა" გაიმარჯვა, რომელმაც შინ მოუგო "ბლანიაკს" - 25:18. კაჭარავა ძირითად შემადგენლობაში იყო და 55-ე წუთზე შეცვალეს.
თენგიზ გელანტიას "ობენამ" შინ წააგო "ვალანსთან" - 10:20. არადა, ჩვენებურის გუნდმა პირველი ნახევარი 10:3 მოიგო. შესვენების შემდეგ მასპინძლების თამაშში რაღაც მოიშალა, რამაც შეიძლება ითქვას, რომ ობენელების სენსაციური მარცხი გამოიწვია.
გელანტია ძირითად შემადგენლობაში იყო და 50-ე წუთზე შეცვალეს.
გიორგი კუთარაშვილის "შატორენარმა" სტუმრად წააგო დივიზიონის დებიუტანტ "აგდისთან" - 21:29. შერკინების ქართველი პირველხაზელი ძირითად შემადგენლობაში იყო და მე-60 წუთზე შეცვალეს.
ირაკლი ნინიძის "რომანმა" გამარჯვება მატჩის ბოლო წუთებზე გაუშვა ხელიდან სტუმრად "ლავორთან" დაპირისპირებაში - 21:23.
ჩვენებურის გუნდი 34-ე წუთამდე 13:0-ს იგებდა. თუმცა უპირატესობა ვერაფრით შეინარჩუნა და საბოლოოდ მატჩი ორი ქულის სხვაობით დათმო.
ნინიძე ძირითად შემადგენლობაში იყო და მე-40 წუთზე შეცვალეს.
I ტური
როდეზი-ბლანიაკი 25:18, ბურგუენი-ლა სეინი 23:6, ობენა-ვალანსი 10:20, აგდი-შატორენარი 29:21, ლავორი-რომანი 23:21.
სატურნირო მდგომარეობა
1. ბურგუენი - 4 ქულა, 2. ვალანსი - 4, 3. აგდი - 4, 4. როდეზი - 4, 5. ლავორი - 4, 6. რომანი - 1, 7. ბლანიაკი - 1, 8. შატორენარი - 0, 9. ობენა - 0, 10. ლა სეინი - 0.
II ტური
ბლანიაკი-ობენა, ვალანსი-აგდი, შატორენარი-ლავორი, რომანი-ბურგუენი, როდეზი-ლა სეინი
C ჯგუფი
C ჯგუფში ქართველ მორაგბეთა სამი გუნდი თამაშობს: "სენ ნაზერი", "პერიგო" და "მარმანდი". პირველ ტურში შოთა ცხოვრებაშვილისა და ბაჩუკი გუჯარაიძის "სენ ნაზერმა" შინ დაამარცხა ელიტური, მეორე დივიზიონიდან დაქვეითებული თედო ზიბზიბაძის "პერიგო" - 18:13.
აღსანიშნავია, რომ პერიგოელები მე-19 წუთისთვის 10:0-ს იგებდნენ, თუმცა "სენ ნაზერმა" მატჩში გარდატეხის შეტანა შეძლო.
გუჯარაიძემ და ზიბზიბაძემ თავიდან ბოლომდე ითამაშეს. ამასთან ერთად, ზიბზიბაძე მატჩის არბიტმა 65-ე წუთზე გაასინბინა, ცხოვრებაშვილი განაცხადში არ იყო.
ნიკოლოზ მაღალდაძის "მარმანდმა" შინ დაამარცხა "აგეტმო" 23:16. მაღალდაძე სათადარიგოთა შორის იყო და თამაშში მე-60 წუთიდან ჩაერთო.
I ტური
სენ ნაზერი-პერიგო 18:13, სენ ჟან დანჟელი-ლანჟონი 15:18, მარმანდი-აგეტმო 23:16, ტიროსი-ვანი 26:9.
სატურნირო მდგომარეობა
1. ტიროსი - 5 ქულა, 2. მარმანდი - 4, 3. სენ ჟან დანჟელი - 4, 4. სენ ნაზერი - 4, 5. ლანჟონი - 4, 6. სენ ჟან დანჟელი - 1, 7. პერიგო - 1, 8. ნუარი - 1, 9. აგეტმო - 1, 10. ვანი - 0.
II ტური
პერიგო-სენ ჟან დანჟელი, ნუარი-ტიროსი, ლანჟონი-სენ ნაზერი, ვანი-მარმანდი, სენ ჟან დე ლუზი-აგეტმო.
D ჯგუფი
ორი "ქართული გუნდი" გვყავს D ჯგუფში. მერაბ კვირიკაშვილისა და გიორგი მჭედლიშვილის "სენ ჟუნიენმა" შინ უმძიმეს ბრძოლაში დაამარცხა "ნევერი" - 32:30.
კვირიკაშვილმა სრულად ითამაშა და გუნდს 22 ქულა მოუტანა (ექვსი საჯარიმო და ორი გარდასახვა), მჭედლიშვილი განაცხადში არ იყო.
ლაშა მალაღურაძისა და სიმონ მაისურაძის "ბაგნერემ", რომელიც ფედერალ 1 დივიზიონის დებიუტანტია, შინ დაამარცხა "ლანამეზანი" - 24:22.
მაისურაძე ძირითად შემადგენლობაში იყო და 52-ე წუთზე შეცვალეს, მალაღურაძე თამაშში 72-ე წუთიდან ჩაერთო.
I ტური
მონტობანი-ლურდი 45:16, სენ მედარი-ლიმოჟი 24;18, კასტანე-ოლორონი 10:22, ბაგნერე-ლანამეზანი 24:22, სენ ჟუნიენი-ნევერი 32:30
სატურნირო მდგომარეობა
1. მონტობანი - 5 ქულა, 2. ოლორონი - 4, 3. სენ მედარი - 4, 4. სენ ჟუნიენი - 4, 5. ბაგნერე - 4, 6. ლანამეზანი - 1, 7. ნევერი - 1, 8. ლიმოჟი - 1, 9. კასტანე - 0, 10. ლურდი - 0.
II ტური
ლიმოჟი-მონტობანი, ლურდი-კასტანე, ოლორონი-ბაგნერე, ლანამეზანი-სენ ჟუნიენი, სენ მედარი-ნევერი
ყოველდღიური სპორტული გაზეთი "ლელო"
