საფრანგეთის სარაგბო ჩემპიონატის ფედერალ 1 დივიზიონში საშობაო არდადეგების გამო შეწყვეტილი შეჯიბრება მე-12 ტურის შეხვედრებით განახლდა. შეგახსენებთ, რომ ქართველ მორაგბეთა გუნდებიდან ექვსი ლიდერთა შორისაა და პლეი ოფში მოხვედრის შანსს ინარჩუნებს.
A ჯგუფში ქართველ მორაგბეთა ექვსი გუნდი ასპარეზობს. ამათგან მომდევნო ეტაპზე გასვლისთვის სამი იბრძვის.
ლიდერებს: "ლილსა" და "ბურგ ან ბრესს" პლეი ოფი, ფაქტობრივად, განაღდებული აქვთ. დარჩენილია ორი საგზური, რომლებსაც, სავარაუდოდ, სწორედ ჩვენებურთა გუნდები გაითამაშებენ.
ყველაზე უკეთესი მაჩვენებელი შოთა მელიქიძისა და ავთანდილ კოპალიანის "მაკონს" აქვს, რომელმაც 38 ქულა დააგროვა და ახლა მესამე ადგილზეა.
"ვიენზე" ერთი ქულით ნაკლები დაუგროვდა და მეხუთე ადგილზეა გიორგი ჯაშიტაშვილის "შალონი", რომელმაც სტუმრად მოუგო აუტსაიდერს, გიორგი სულუაშვილის "სტრასბურს" - 35:20.
ლიდერთა ჯგუფთან ახლოს იმყოფება გიორგი გაბელიას "სენტ ეტიენი", რომელიც "შალონს" სამი ქულით ჩამორჩება და მე-7 ადგილზეა. ჩვენებურის ამ გუნდმა შინ დაძაბულ ბრძოლაში დაამარცხა "დიჟონი" - 25:23.
"სტრასბურთან" ერთად აუტსაიდერთა შორისაა ელიზბარ ყუფარაძისა და რეზო გიგაურის "მონლუსონი", რომელმაც სტუმრად წააგო გათამაშების ლიდერ "ბურგ ან ბრესთან" - 12:35. მონლუსონელებს ახლა 22 ქულა აქვთ და სატურნირო ცხრილში მე-8 ადგილზე არიან.
ფედერალ 1
A ჯგუფი
ბობინი-ლილი 17:20, ბურგ ან ბრესი-მონლუსონი 35:12, ვიენი-მაკონი 9:20, სტრასბური-შალონი 20:35, სენტ ეტიენი-დიჟონი 25:23.
სატურნირო მდგომარეობა
1. ბურგ ან ბრესი - 49 ქულა, 2. ლილი - 49, 3. მაკონი - 38, 4. ვიენი - 27, 5. შალონი - 26, 6. ბობინი - 23, 7. სენტ ეტიენი - 23, 8. მონლუსონი - 22, 9. დიჟონი - 21, 10. სტრასბური - 1.
XIII ტური
ლილი-ბურგ ან ბრესი, მაკონი-ბობინი, სტრასბური-სენტ ეტიენი, შალონი-ვიენი, მონლუსონი-დიჟონი.
B ჯგუფში ქართველ მორაგბეთა ოთხი გუნდი ასპარეზობს. აქედან მოწინავე ოთხეულში მხოლოდ ერთია - ირაკლი ნინიძის "რომანი", რომელმაც 29 ქულა დააგროვა და მესამე ადგილზეა. ჩვენებურის ამ გუნდმა შინ დაამარცხა "ლა სეინი" - 26:13.
პლეი ოფში გასვლის შანსს ინარჩუნებს თენგიზ გელანტიასა და ბექა ურჯუკაშვილის "ობენაც", რომლის გასვლითი მატჩი დავით კაჭარავას "როდეზთან" გადაიდო. ობენელებს 24 ქულა აქვთ და მეშვიდე ადგილზე არიან, "როდეზი" კი 17 ქულით აუტსაიდერია.
23 ქულით ბოლოსწინა, მეცხრე ადგილზეა გიორგი კუთარაშვილის "შატორენარი", რომელიც შინ დამარცხდა გათამაშების ლიდერ "ბურგუენთან" - 6:14. ბურგუენელები დაუმარცხებლად ასპარეზობენ.
B ჯგუფი
შატორენარი-ბურგუენი 6:14, ბლანიაკი-აგდი 15:12, ვალანსი-ლავორი 18:19, რომანი-ლა სეინი 26:13, როდეზი-ობენა (გადაიდო).
სატურნირო მდგომარეობა
1. ბურგუენი - 51 ქულა, 2. ვალანსი - 35, 3. რომანი - 29, 4. ლავორი - 27, 5. ლა სეინი - 26, 6. ბლანიაკი - 25, 7. ობენა - 24, 8. აგდი - 24, 9. შატორენარი - 23, 10. როდეზი - 17.
XIII ტური
ბურგუენი-ვალანსი, ლა სეინი-შატორენარი, ლავორი-ბლანიაკი, რომანი-როდეზი, აგდი-ობენა.
C ჯგუფში მოასპარეზე ქართველ მორაგბეთა სამი გუნდიდან ორი ლიდერთა შორისაა და მიუხედავად იმისა, რომ მე-12 ტურში ორივე დამარცხდა, პლეი ოფში გასვლის შანსს მაინც ინარჩუნებენ.
ჩვენებურთა გუნდებიდან საუკეთესო მაჩვენებელი შოთა ცხოვრებაშვილისა და ბაჩუკი გუჯარაიძის "სენ ნაზერს" აქვს, რომელიც სტუმრად დამარცხდა "სენ ჟან დე ლუზთან" - 12:24. გუჯარაიძემ თავიდან ბოლომდე ითამაშა, ცხოვრებაშვილი განაცხადში არ იყო.
"სენ ნაზერს" ახლა 40 ქულა აქვს და მეორე ადგილზეა. მას ერთი ქულით ჩამორჩება და მესამეა თედო ზიბზიბაძის "პერიგო", რომელიც შინ გათამაშების ლიდერს, "ტიროსს" დაუპირისპირდა და მინიმალური სხვაობით წააგო - 14:15. ზიბზიბაძემ სრულად ითამაშა.
18 ქულით ბოლოსწინა, მე-11 ადგილზეა ნიკოლოზ მაღალდაძის "მარმანდი", რომელიც ფრეს დასჯერდა სტუმრად "ნუართან" - 12:12.
C ჯგუფი
პერიგო-ტიროსი 14:15, ნუარი-მარმანდი 12:12, ლანჟონი-სენ ჟან დანჟელი 23:8, სენ ჟან დე ლუზი-სენ ნაზერი 24:12, ვანი-აგეტმო 29:10.
სატურნირო მდგომარეობა
1. ტიროსი - 53 ქულა, 2. სენ ნაზერი - 40, 3. პერიგო - 39, 4. სენ ჟან დე ლუზი - 29, 5. ლანჟონი - 29, 6. ვანი - 28, 7. აგეტმო - 18, 8. სენ ჟან დანჟელი - 18, 9. მარმანდი - 18, 10. ნუარი - 14.
XIII ტური
მარმანდი-პერიგო, აგეტმო-ნუარი, ტიროსი-ლანჟონი, სენ ჟან დანჟელი-სენ ნაზერი, ვანი-სენ ჟან დე ლუზი.
D ჯგუფში ქართველ მორაგბეთა გუნდები კვლავ წარუმატებლად თამაშობენ. მერაბ კვირიკაშვილისა და გიორგი მჭედლიშვილის "სენ ჟუნიენმა", რომელიც 18 ქულით ბოლოსწინა, მე-9 ადგილზეა, სტუმრად დიდი ანგარიშით დამარცხდა მესამეადგილოსან "ოლორონთან" - 12:56.
ჩვენებურთა ამ გუნდის მსგავსად, 18 ქულა დაუგროვდა და მე-8 ადგილზეა ლაშა მალაღურაძისა და სიმონ მაისურაძის "ბაგნერე", რომელმაც ასევე სტუმრად წააგო "ლურდთან" - 12:19.
D ჯგუფი
ლიმოჟი-კასტანე 15:21, ლურდი-ბაგნერე 19:12, ოლორონი-სენ ჟუნიენი 56:12, ლანამეზანი-ნევერი 9:14, სენ მედარი-მონტობანი 8:21.
სატურნირო მდგომარეობა
1. მონტობანი - 49 ქულა, 2. ნევერი - 43, 3. ოლორონი - 31, 4. კასტანე - 30, 5. ლიმოჟი - 30, 6. ლურდი - 27, 7. ლანამეზანი - 23, 8. ბაგნერე - 18, 9. სენ ჟუნიენი - 18, 10. სენ მედარი - 15.
XIII ტური
ბაგნერე-ლიმოჟი, სენ ჟუნიენი-ლურდი, ნევერი-ოლორონი, ლანამეზანი-სენ მედარი, კასტანე-მონტობანი.
ყოველდღიური სპორტული გაზეთი "ლელო"
