"პლანეტ რაგბიმ" ახლახან დასრულებული ჩემპიონთა თასის სიმბოლური ნაკრები შეადგინა, რომელშიც ერთი ქართველი მორაგბე მოხვდა - ფინალისტი "კლერმონის" მორკინალი დავით ზირაქაშვილი."საუკეთესო მესამე ნომერი კონტინენტზე. ქართველ მორაგბეს დიდებული სეზონი ჰქონდა. "კლერმონის" შერკინება მთელი ტურნირის განმავლობაში სჯობდა მეტოქეებისას "ტულონთან" თამაშამდე. ზირაქაშვილმა განსაკუთრებით მწარე გაკვეთილი "ნორსჰემპტონის" და ინგლისის ნაკრების ბურჯ ალექს კორბისიეროს ჩაუტარა", - წერს "პლანეტ რაგბი".
