საქართველოს მორაგბეთა ეროვნული ნაკრების 19 წლის მოთამაშე ვასილ ლობჟანიძე კარიერას ტოპ 14-ის გუნდში, "ბრივში" გააგრძელებს. ქართველმა მორაგბემ გუნდთან 3-წლიანი კონტრაქტი გააფორმა.
ამრიგად, კარლენ ასეიშვილთან, გიორგი ჟღენტთან და გოდერძი შველიძესთან ერთად "ბრივში" კიდევ ერთი ქართველი ითამაშებს.
რაც შეეხება "ბრივს", გუნდი 10 ტურის შემდეგ ტოპ 14-ში 28 ქულით მე-5 პოზიციას იკავებს და ლიდერ "კლერმონს" 5 ქულით ჩამორჩება.
შეგახსენებთ, რომ ლობჟანიძე ყველაზე ახალგაზრდა მოთამაშეა, ვისაც კი მსოფლიოს თასზე უთამაშია. ის "ბორჯღალოსნების" ღირსებას ინგლისში გამართულ 2015 წლის მსოფლიოს თასზე იცავდა.
ვასილ ლობჟანიძემ რაგბის თამაში 11 წლის ასაკში "არმაზში" დაიწყო და მას შემდეგ ამ გუნდის ღირსებას იცავს. ლობჟანიძემ საქართველოს ყველა ასაკობრივ ნაკრებში ითამაშა და 2015 წელს "უმცროს ბორჯღალოსანთა" რიგებში მსოფლიო რაგბის 20-წლამდელთა ალაფის გათამაშებაში გაიმარჯვა. "ბორჯღალოსანთა" კვართი მან 2015 წლის რაგბი ვეროპის ჩემპიონატზე გერმანიის წინააღმდეგ მოირგო და მას შემდეგ 10 სანაკრებო კეპი მოიხვეჭა. 2015 წლის მსოფლიო თასზე ითამაშა "ბორჯღალოსნების" ოთხივე მატჩში.
16:42 18-12-2015
ვასილ ლობჟანიძე კარიერას საფრანგეთის TOP14-ის "ბრივში" გააგრძელებს [VIDEO]
AutoSharing Option
ასევე დაგაინტერესებთ
უძრავი ქონება
სიახლეები
პოპულარული
გიორგი მელიქიძე, სტად ფრანსეს ბურჯი, მაგაზე პატარა მემგონი არავინ არ გვქოლია