19 წლის ქართველი მორაგბე კარიერას ტოპ 14-ის გუნდ "ბრივში" გააგრძელებს.
"მსოფლიო ჩემპიონატის დასრულებისთანავე დამიკავშირდნენ საფრანგეთიდან და კონტრაქტი შემომთავაზეს.
თანახმა ვიყავი, ამიტომ ჩავედი, სამედიცინო შემოწმება გავიარე და წინასწარი 3-წლიანი კონტრაქტიც გავაფორმე. თავად გუნდს კი 2016 წლის ივლისში შევუერთდები.
ამ გუნდში მეხუთე ქართველი ვიქნები. რამდენიმე თვის წინ "ბრივთან" კონტრაქტი გააფორმა ახალგაზრდული ნაკრების წევრმა გიორგი ცუცქირიძემაც. საფრანგეთში ჩამოსვლისას ქართველ მორაგბეებს შევხვდი და ვისაუბრეთ", - გვითხრა ლობჟანიძემ.
ამრიგად, კარლენ ასეიშვილთან, გიორგი ჟღენტთან, გოდერძი შველიძესთან და გიორგი ცუცქირიძესთან ერთად "ბრივში" კიდევ ერთი ქართველი ითამაშებს.
10 ტურის შემდეგ "ბრივი" ტოპ 14-ში 28 ქულით მე-5 პოზიციას იკავებს და ლიდერ "კლერმონს" 5 ქულით ჩამორჩება.
ასევე იხილეთ:
ვასილ ლობჟანიძე კარიერას "ბრივში" გააგრძელებს
