მეშვიდე პირველ ეტაპზე

საქართველოს შვიდკაცა რაგბის ნაკრები ევროპის გრან პრის სერიაში ჩაერთო, რომელიც წლეულს შეცვლილი ფორმატით თამაშდება. ევროპული ქვეყნების ნაკრები გუნდები რამდენიმე დივიზიონში გაანაწილეს. ელიტაში, სადაც საქართველოს ნაკრებიც ასპარეზობს, სულ თორმეტი გუნდია და გათამაშება რამდენიმე ეტაპად ჩატარდება.

პირველ ეტაპზე ჩვენმა გუნდმა ლიონში ითამაშა და მეშვიდე ადგილს დასჯერდა. თორმეტი გუნდი კენჭისყრით ორ ჯგუფში გაანაწილეს. საქართველოს ნაკრები A ჯგუფში ესპანეთის, პორტუგალიის, რუმინეთის, უკრაინისა და ჰოლანდიის ნაკრებებთან მოხვდა.

შვიდკაცა "ბორჯღალოსნებმა" ჯგუფურ ტურნირში ხუთიდან მხოლოდ ორი თამაში მოიგეს და მესამე ადგილს დასჯერდნენ. მეხუთე ადგილისთვის ნახევარფინალში ჩვენმა ნაკრებმა რუსეთის შვიდკაცა რაგბის ეროვნულ გუნდთან წააგო 19:24. მე-7 ადგილსითვის ბრძოლაში კი ჰოლანდიის ნაკრებს სძლია - 41:7.

ტურნირი ინგლისის ნაკრების გამარჯვებით დასრულდა, რომელმაც ფინალში ესპანეთის ნაკრებს მოუგო 28:14. მესამე ადგილისთვის მატჩში კი ფრანგებმა პორტუგალიის ნაკრებს სძლიეს 7:0.

გაიმართა მორიგი ეტაპის კენჭისყრა, რომელიც მოსკოვში მომავალ უქმეებზე ჩატარდება. საქართველოს ნაკრები B ჯგუფში ესპანეთის, საფრანგეთის, უელსის, უკრაინისა და რუმინეთის ნაკრებებთან მოხვდა.

საქართველოს ნაკრები
დავით ჩიტიძე, ირაკლი ღვინჯილია, გიორგი კობერიძე, ალექსანდრე ტუჩაშვილი (ოთხივე-ლოკომოტივი), ირაკლი გეგენავა, სანდრო ნიჟარაძე, შალვა მახარაშვილი (სამივე-ყოჩები), გიორგი კალმახელიძე (არმია), მერაბ შარიქაძე (აკადემია), გიორგი შკინინი (ხულიგანა), მერაბ კვირიკაშვილი (სენ ჟუნიენი), გიორგი ჩხაიძე (მონპელიე).

გრან პრი

A ჯგუფი
საქართველო-ჰოლანდია 14:7, საქართველო-უკრაინა 14:17, საქართველო-ესპანეთი 10:26, საქართველო-პორტუგალია 21:14, საქართველო-რუმინეთი 33:0

V ადგილისთვის
საქართველო-რუსეთი 19:24, ჰოლანდია-უელსი 0:34

VII ადგილისთვის
საქართველო-ჰოლანდია 41:7

ფინალი
ინგლისი-ესპანეთი 28:14

საბოლოო მდგომარეობა
1. ინგლისი, 2. ესპანეთი, 3. საფრანგეთი, 4. პორტუგალია, 5. რუსეთი, 6. უელსი, 7. საქართველო, 8. ჰოლანდია, 9. იტალია, 10. რუმიენთი, 11. უკრაინა, 12. მოლდოვა.

ყოველდღიური სპორტული გაზეთი "ლელო"