საქართველოს რაგბის კავშირის პრეზიდენტობის კანდიდატის, ილია ზედგინიძის განცხადებით, საპრეზიდენტო არჩევნებში ჩარევა არ ხდება. მისი თქმით, გადაწყვეტილებას იღებს სარაგბო ოჯახი."არანაირ ჩარევას ადგილი არ აქვს, გადაწყვეტილებას იღებს სარაგბო ოჯახი. სულ რამდენიმე საათში გახდება გადაწყვეტილება ცნობილი, თუ ვინ გაუძღვება რაგბის კავშირს. თუ როგორია ჩემი განწყობები, ყრილობის დასრულების შემდეგ ვისაუბრებ", - აღნიშნა ზედგინიძემ.
მან პრიორიტეტებზეც ისაუბრა. ზედგინიძის განცხადებით, პრიორიტეტებია ეროვნული ნაკრების და სხვა ნაკრებების განვითარება, ბავშვთა რაგბის განვითარება, რაგბის პოპულარიზება და ა. შ.
რაგბის კავშირის საპრეზიდენტო არჩევნები სასტუმრო "ქორთიარდ მარიოტში" რამდენიმე წუთში დაიწყება.
![ვეტერანმა მორაგბეებმა პრესკონფერენცია გამართეს [VIDEO]](/pictures/image7/3bf63fade95310ba76ff0bf00e7e2620.jpg "ვეტერანმა მორაგბეებმა პრესკონფერენცია გამართეს [VIDEO]")
