რუსთავის სარაგბო სტადიონმა საქართველოსა და რუსეთის ჩემპიონების ერთობლივ ვარჯიშს - მართვად თამაშს უმასპინძლა. "ლელომ" და "კრასნი იარმა" გუნდები შერკინებად და უკანა ხაზად დაყვეს და ერთად ივარჯიშეს. მორკინალები რიგრიგობით შერკინებებსა და დერეფნებს ათამაშებდნენ, ხაზი კი მოედნის მეორე მხარეს კომბინაციებს ამუშავებდა.ფორვარდებმა და ბექებმა ცალ-ცალკე ვარჯიშით გული რომ იჯერეს, გუნდები გაერთიანდნენ და ერთობლივი ვარჯიში მართვადი თამაშით დაასრულეს. ამ დროს გუნდები კვლავ რიგრიგობით უტევდნენ, თუმცა ამ დროს მეტოქეს კონტრშეტევის შესაძლებლობა ეძლეოდა.
შეგახსენებთ, რომ "კრასნი იარი" წინასასეზონო შეკრებაზე საქართველოში 5 აპრილს ჩამოვიდა და რუსთავის
საგულისხმოა, რომ "კრასნი იარში" წლეულს ჩაირიცხა საქართველოს ნაკრების მგეზავი ლაშა მალაღურაძე, რომელმაც კრასნოიარსკელების შემადგენლობაში ივარჯიშა.
შეკრების დასრულებამდე ციმბირული კლუბი სამი საკონტოლო მატჩის გამართვას გეგმავს. პირველს იარელები 15 აპრილს ასევე რუსთავის სარაგბო სტადიონზე, თბილისის "აკადემიას" წინააღმდეგ გამართავენ. დანარჩენ ორ მატჩში სტუმართა მეტოქეები, სავარაუდოდ, საქართველოს ჩემპიონატის პირველი საპლეიოფო ტურის შემდეგ გაირკვევა.
რაგბის კავშირის პრესსამსახური
![რაგბი. ლეგიონი: ორი ქართული ლელო და ორი დებიუტი "ჩელენჯ კაპზე" [VIDEO]](/pictures/image7/45eacdffc72c57f43c1fa3aae070b19a.jpg "რაგბი. ლეგიონი: ორი ქართული ლელო და ორი დებიუტი \"ჩელენჯ კაპზე\" [VIDEO]")
