მოსკოვში მიმდინარეობს რაგბი ევროპის გრან პრის სერიის პირველი ტურნირი შვიდკაცაში.საქართველოს ნაკრები ჩ პულში თამაშობდა, სადაც ჯერ დიდი ბრიტანეთის პირველ ნაკრებთან წააგო 7:17. შემდეგ ჩვენი ნაკრები 5:12 დამარცხდა რუსეთის ნაკრებთან, ხოლო პულის ბოლო მატჩი 7:0 მოუგო ლიტვას.
ნაკრებმა ჯგუფურ ეტაპზე მესამე ადგილი დაიკავა და მეოთხედფინალში დიდი ბრიტანეთის მე-2 ნაკრებს შეხვდა, ეს მატჩიც წააგეს ჩვენებმა - 0:36.
ჩვენი გუნდი სინისთვის (მე-5 ადგილი) ბრძოლაზე გადაერთო, რომლის ნახევარფინალში ესპანეთი 10:7 დაამარცხა. ჩვენებიდან ლელო ლევან გოგოლაშვილმა დადო. აღსანიშნავია, რომ ტაიმი 7:7 მორჩა და გადამწყვეტი
სინისთვის ფინალურ მატჩში საქართველოს ნაკრები დიდი ბრიტანეთის პირველ ნაკრებს შეხვდა. ტაიმი ქართველმა მორაგბეებმა 7:5 მოიგეს. ლელო ზურაბ ძნელაძემ გაიტანა.
სამწუხაროდ, მეორე ტაიმში ბრიტანელებმა იძალეს, 15:12 მოიგეს და სინიც მათ დარჩათ. ქართველთა მეორე ლელო რამაზ ხარაზიშვილის ანგარიშზეა.
საქართველოს ნაკრებმა კი მოსკოვის შვიდკაცა მე-6 ადგილზე დაასრულა.
1 ტაიმიანი რომ ყოფილიყო ჩემპიონები გავხდებოდით :-)