ახალახან ინგლისის რაგბის კავშირმა განაცხადა, რომ "პომები" მსოფლიოს თასზე პირველ შეხვედრას არგენტინის ნაკრებთან თავიანთთვის უჩვეულო, შავ ფორმებში გამართავენ. ახალ ზელანდიელთა მხრიდან, რომლის ეროვნული ნაკრების ტრადიციული ფერი შავია, ოფიციალურად აქამდე პროტესტი არავის გამოუთქვამს. არადა, "ოლ ბლექსად" (შავები) ამ ქვეყნის ნაკრები 1905 წლიდან მოიხსენიება.
"პირველი მერცხალი" ვინც ინგლისელთა ამ "კადნიერბაზე" კომენტარი გააკეთა, მსოფლიოს ყველა დროის ერთ-ერთი საუკეთესო მოარაგბე ჯონა ლომუა.
"ვერაფრით ამიხსნია ინგლისელთა ამ გადაწყვეტილების მიზანი. ვფიქრობ, ეს წარსულის, ტრადიციების შეურაცხყიფაა. არადა მათ ჩვენზე არანაკლები ტრადიციები და შესანიშნავი ფორმები აქვთ.
ვერ წარმომიდგენია,
ცხადია, ჯონა ლომუს უკომენტაროდ არც მომავალ მსოფლიოს თასზე ახალზელანდიელთა შანსების შესახებ შეკითხვა დაუტოვებია. მას მიაჩნია, რომ "ოლ ბლექსი" საკუთარ კედლებში ყველაზე რეალური ფავორიტია და დარწმუნებულია, რომ ბიჭები ამ შანსს ხელიდან არაფრით გაუშვებენ.
ყოველდღიური სპორტული გაზეთი "ლელო"
