ექვსი ერის შარშანდელ გათამაშებაში იტალიის ნაკრებმა ბოლო მეექვსე ადგილი დაიკავა. თუმცა, მიუხედავად ამისა, 2011 წელი ოქროს ასოებით შევა იტალიური რაგბის ისტორიაში. "სკუადრა აძურამ" გასულ სეზონში შინ "სტადიო ფემინიოზე", რომელსაც ამჟამად რეკოსნტრუქციას უკეთებენ, ორი შესანიშნავი მატჩი გამართა. ჯერ ირლანდიის ნაკრები დაუძვრა ხელიდან თამაშის ბოლო წუთებზე, როცა სამყურების მგეზავმა რონან ოგარამ საჯარიმოთი გამარჯვება გამოსტაცა ხელიდან. მერე, ერთი თვის შემდეგ იგივე ვერ მოახერხა საფრანგეთის ნაკრებმა და იტალიელებმა ისტორიული გამარჯვება მიითვალეს. ეს იყო სამხრეთაფრიკელი მწვრთნელის ნიკ მალეტის ოთხწლიანი საქმიანობის აპოგეა.
თუმცა ახალ ზელანდიაში გამართულ
წლეულს მალეტი საფრანგეთის "პერპინიანის" ყოფილმა მთავარმა მწვრთნელმა ჟაკ ბრუნელმა შეცვალა. რომელიც მალეტის მიერ შექმნილ მყარ საფუძველზე სერიოზული გუნდის აშენებას აპირებს. სამხრეთაფრიკელი მუდამ იმას წუწუნებდა, რომ "უკანა ხაზი მძლავრ შერკინებას მხარს ვერ უბავსო." ბრუნელმა სხვა ტაქტიკა არჩია, "ყველაფერს ვიზამ, უკანა ხაზის თამაში მორკინალების შესატყვისი გავხადოო," თუმცა იქვე დასძინა - "სათქმელად, ცხადია ადვილია, კეთაბაა ძნელიო".
ფრანგმა მწვრთნელმა გუნდში რამდენიმე ახალი მოთამაშე მიიწვია, რომელთა სახელებიც იტალიის საზღვრებს მიღმა არავისთვისაა ცნობილი. ზოგადად იტალიელთა შესაძლებლობები საკმაოდ შეზღუდულია, თუმცა "სკუადრა აძურას" ახალ მწვრთნელს ამბიცია აქვს, რომ მისმა გუნდმა მსოფლიოს საუკეთესო ათეულში შეაღწიოს და იქ ფეხი მყარად მოიკიდოს.
აბა წარმოიდგინეთ, რა იქნებოდა იტალიის ნაკრების სერჯო პარისეს გარეშე. ეს არგენტინული წარმოშობის რვა ნომერი ამ პოზიციაზე, მსოფლიოში ერთ-ერთი საუკეთესოა. ის კვლავინდებურად შესანიშნავ ფორმაშია და იტალიელ ქომაგებს მისი დიდი იმედი აქვთ.
"სკუადრა აძურას" შემადგენლობაში ერთ-ერთი გამორჩეულია ინგლისური "ლესტერის" შერკინების ბურჯი მარტინ კასტროჯოვანი.
ფულბეკი ანდრეა მასი კი ექვსი ერის შარშანდელი გათამაშების სიმბოლურ ნაკრებში მოხვდა.
იტალიის ნაკრები წლეულს, ცხადია, სასწაულს ვერ მოახდენს. ამ გუნდისთვის მთავარი იქნება, ბოლო ტურში შინ შოტლანდიის ნაკრები დაამარცხოს. ამასთან ერთად, ისიც საგულისხმოა, რომ "სკუადრა აძურა" ყველა საშინაო მატჩს რომის "სტადიო ოლიმპიკოზე" გამართავს.
იტალიის ნაკრები
შერკინება: მარტინ კასტროჯოვანი, ლორენცო ჩიტადინი, ალბერტო დე მარკი, ანდრეა ლო ჩიჩერო, ლეონარდო ჯილარდინი, ტომაზო დაპიკე, მარკო ბორტოლამი, კვენტინ გელდენჰაუზი, ანტონიო პავანელო, კორნელიუს ფან ზილი რობერტო ბარბიერი, მაურო ბერგამასკო, პაულ დერბიშირი, სიმონე ფავარო, სერჯო პარისე, ალესანდრო ძანი.
უკანა ხაზი: ედუარდო გორი, ფაბიო სემენცატო, კრისტოფ ბარტონი, ლუჩანო ორკუერა, ტომაზო ბენვენუტი, გონსალო კანალე, ლუკა მორისი, ალბერტო სგარბი, ანგელო ესპოზიტო, რობერტო ქუარტაროლი, ჯულიო ტონიოლატი, ჯოვანი ვენდიტი, ანდრეა მასი, ლუკ მაკლინი.
ყოველდღიური სპორტული გაზეთი "ლელო"
