რუსები არგენტინელებს მომავალ უქმეებზე კიდევ ერთხელ დაუპირისპირდებიან.
შეგახსენებთ, რომ "ბორჯღალოსნები" 2011 წლის ერთა თასის გათამაშებაში რუსეთის ნაკრებს 19 მარტს სოჭში დაუპირისპირდებიან.
ბოკეს მეტფილდი უკაპიტნებს
სამხრეთ აფრიკის ნაკრები ნოემბრის ტესტებისთვის უკაპიტნოდ დარჩა. ჯონ სმიტმა ახლახან საკმაოდ სერიოზული ოპერაცია გადაიტანა და "ბოკეს" ევროპულ ტურნეში ვერ დაეხმარება.
სამხრეთ აფრიკის ნაკრების მწვრთნელმა პრესკონფერენციაზე განაცხადა, რომ ეროვნულ გუნდს სმიტის არყოფნაში მეორეხაზელი
"ის გუნდის ლიდერი და წლების მანძილზე ვიცე-კაპიტანია. დიდი გამოცდილება აქვს და ვფიქრობთ, სწორი არჩევანი გავაკეთეთ." - თქვა პიტერ დე ფილიერსმა.
მისივე გადაწყვეტილებით, "ბოკეს" ვიცე-კაპიტანი მესამეხაზელი ჟუან სმითი იქნება. სამხრეთაფრიკელებმა ტესტებისთვის მზადება უკვე დაიწყეს. საწვრთნელ შეკრებაზე ნაკრებს ქარის თასის ფინალში მონაწილე გუნდების მორაგბეები, იან დე იონგი, დენი როსუ, იან დუ პლესი, ალისტერ ჰარგრეივზი, ვილემ ალბერტი, ბისმარკ დუ პლესი და სხალკ ბურხერი დააკლდნენ.
შეგახსენებთ, რომ "ბოკე" ნოემბერში ოთხ ტესტს გამართავს. ბოლო, მე-5 მატჩში კი, 4 დეკემბერს "თვიქნემზე" "ბარბაროსებს" დაუპირისპირდება.
მაქსიმუმ ორი მოგება ნოემბერში
2011 წლის მსოფლიო თასის გათამაშების ჯგუფურ ტურნირში საქართველოს ნაკრების მეტოქე ინგლისის ეროვნული გუნდი ნოემბრის ტესტებზე მაქსიმუმ ორი მატჩის მოგებას გეგმავს. ყოველ შემთხვევაში, ამის იმედი აქვს ინგლისის რაგბის პროფკავშირების თავმჯდომარეს ჯონ სტილს.
"ნოემბერში ინგლისის ნაკრები ოთხ მატჩს გამართავს ახალი ზელანდიის, სამხრეთ აფრიკის, ავსტრალიისა და სამოას ეროვნულ გუნდებთან. ამათგან სამი მსოფლიოს საუკეთესო გუნდა. უძნელესი თამაშები გველის. ამჟამად "პომები" მსოფლიო რეიტინგში მე-6 ადგილზე არიან. ობიექტური რეალობიდან გამომდინარე, კარგი იქნება, ამ ოთხი გუნდიდან ორს თუ დავამარცხებთ. ეს სავსებით შესაძლებელია, მით უფრო, რომ ივნისის ტესტებზე ჩვენმა გუნდმა ავსტრალიის ნაკრების დამარცხება შეძლო და შთამბეჭდავად გამოიყურებოდა" - თქვა მან.
ცოტა ხნის წინ ბოროტი ენები ამბობდნენ, თუ ინგლისის ნაკრები ნოემბრის ტესტებზე წარუმატებლად ითამაშებს, ნაკრების მწვრთნელმა მარტინ ჯონსონმა შესაძლოა, თანამდებობა დატოვოსო. თუმცა, თუ სტილს დავუჯერებთ, "პომების" ლეგენდარულ ყოფილ კაპიტანს არც ამ შემთხვევაში ემუქრება რამე.
"ჩემი მოვალეობაა, ჯონსონს და ინგლისის ნაკრებს დავეხმარო, გვერდში დავუდგე - განაგრძობს სტილი - გუნდმა თითქმის შვიდწლიანი ცლილებების გზა განვლო. ნაკრებში ბევრი ახალი, მაღალი დონის მორაგბე გამოჩნდა და, ვფიქრობ, ჯონსონს საშუალება უნდა მივცეთ, დამოუკიდებლად იმუშაოს".
ამასობაში ინგლისის რაგბის კავშირმა გაავრცელა განცხადება, სადაც ნათქვამია, რომ ინგლისის ნაკრებს ახალ ზელანდიაში აუცილებლად ჯონსონი წარუძღვება.
"არ მიმაჩნია, რომ განსკუთრებული გარანტიები მჭირდება. ჩემი საქმეა, ინგლისელ მორაგბეთა საუკეთსო კრებული მოვამზადო, ვმართო და ყველაფერი გავაკეთო, რათა მაღალ მიზნებს მივაღწიოთ" - თქვა მარტინ ჯონსონმა.
ინგლისის რაგბის კავშირის აღმასრულებელმა დირექტორმა რობ ენდრიუმ განაცხადა, რომ საამისოდ ჯონსონს ყველა პირობას შეუქმნიან.
"ავივა პრემიერშიპის" ორგანიზატორებთან მიღწეულია შეთანხმება, რომ ნაკრების მოთამაშეებს ინგლისის ჩემპიონატის დასრულებისთანავე, თუნდაც მეორე დღესვე გაანთავისუფლებენ. ასე რომ, ჯონსონს ყველა სასურველი მორაგბის გამოძახება უკვე მაისის ბოლოდან შეეძლება.
პრობლემა მხოლოდ საფრანგეთში მოთამაშე ჯონი ვილკინსონს, ტომ პელემრს და ჯეიმზ ჰაკელს ჰქონდათ, თუმცა, როგორც ისინი ამბობენ, კლუბებთან ეს საკითხი მოგვარებული აქვთ".
კლუბები მოთამაშეებს კი გაუშვებენ, მაგრამ, თუ ასე გაგრძელდა, ინგლისის ნაკრებში ჯანმრთელი აღარავინ დარჩება. "პომების" ტექნიკურმა შტაბმა გაავრცელა ინფორმაცია, რომ ახლახან მიღებული ტრავმების გამო ნოემბრის ტესტებზე ნაკრებს დააკლდებიან ენდრიუ ფორი (ლიდსი), საიმონ შოუ, რიკი ფლუტი (ორივე-ვოსფსი) და დევიდ ვილსონი (ბასი).
