ფავორიტი მასპინძელი აქაც ფავორიტია

ოქლენდში გასამართ მეოთხედფინალურ მატჩში, სადაც მასპინძელი ახალი ზელანდიის ნაკრები არგენტინის ეროვნულ გუნდს ხვდება, საერთო აზრით, ფავორიტი "ოლ ბელქსია".

ახალზელანდილები, როგორც მოსალოდენლი იყო, შინაურ კედლებში შესანიშნავად ასპარეზობენ და პლეი ოფამდე ისე მიაღწიეს, რომ სერიოზული წინააღმდეგობა არ შეხვედრიათ.

"პუმებმა" კი B ჯგუფში ასაპარეზობისას მეოთხედფინალში გზა დიდი ბრძოლებით გაიკვლიეს. საერთოდ, ეს გუნდი ბოლომდე, თავდადებით მებრძოლის იმიჯით სარგებლობს და წარმატებასაც ხშირად სწორედ ამის ხარჯზე აღწევს.

მიუხედავად იმ სიმპატიისა, რასაც არგენტინელები რაგბის სპეციალისტებსა და ქომაგებში იწვევენ, "ოლ ბლექსის" წინააღმდეგ მატჩში, ვფიქრობთ, უშანსოდ არიან. არგენტინას, მიუხედავად იმისა, რომ 2007 წლის მსოფლიოს თასზე მესამე ადგილი დაიკავა და ელიატრულ ქვეყნებს შორის გაერია, ახალი ზელანდიის ნაკრებისთვის არასდროს მოუგია.

ამასთან, არგენტინელთა გუნდის საშუალო ასაკი საყოველთაო კრიტიკისა და ამ გუნდის მომავლის ეჭვს ქვეშ დაყენების საგანი გახდა. საოცარია, მაგრამ "პუმების" თავკაცმა სანტიაგო ფელანმა ყველაზე ახალგაზრდა და, შეიძლება ითქვას, საუკეთესო მოთამაშე, ფულბეკი ლუკას ამოროსინო ისევ სათადარიგოთა შორის დასვა. მისი ადგილი მარტინ როდრიგესმა დაიკავა, რომელიც მსოფლიოს თასზე სულაც არ ბრწყინავს.

"ოლ ბლექსს" მსოფლიოს ერთ-ერთი საუკეთესო მგეზავი დენ კარტერი რომ დააკლდათ, ეს დიდი ხანის ცნობილი ამბავია, თუმცა გრემ ჰენრი და მისი რაზმი იხტიბარს არ იტეხს და სულაც არ აპირებს, "ვებ ელისის" თასი ვინმეს დაუთმოს.

ახალი ზელანდია-არგენტინა
ახალი ზელანდია: 15. მალილი მულიაინა, 14. კორი ჯეინი, 13. კონრად სმითი, 12. მაა ნონუ 11. სონი ბილ ვილიამსი, 10. კოლინ სლედი, 9. პირი ვიპუ. 1. ტონი ვუდკოქი, 2. კევინ მეალამუ, 3. ოუენ ფრენქსი, 4. სამუელ ვაითლოქი, 5. ბრედ თორნი, 6. ჯერომ კაინო. 7. რიჩი მაქოა, 8. კირან რიდი.
16. ენდრიუ ჰორი, 17. ბენ ფრენქსი, 18. ალი ვილიამსი, 19. ვიქტორ ვიტო, 20. ჯიმი ქოუანი, 21. აარონ კრადენი, 22. ისაია ტოეავა.
არგენტინა: 15. მარტინ როდრიგესი, 14. გონალო კამაჩო, 13. მარსელო ბოში, 12. ფელიპე კონტეპომი, 11. ორასიო აგულა, 10. სანტიაგო ფერნანდესი, 9. ნიკოლას ვერგალო. 1. როდრიგო რენსორე, 2. მარიო ლედესმა. 3. ხიან ფიგალო, 4. მანუელ კარისა, 5. პატრისიო ალბასეტე, 6. ხულიო კაბელო. 7. ხუან ლეგისამონი, 8. ლეონარდო სენატორე.
16. ავგუსტინ კრევი, 17. მარტინ სკელსო, 18. მარცოს აიერსა, 19. ალეხანდრო კამპოსი, 20. ალფრდო ლალანე, 21. ლუკას ამოროსინო, 22. ხუან იმოფი.

მსოფლიოს თასი. მეოთხედფინალი
დღეს
ირლანდია-უელსი 10:22
ინგლისი-საფრანგეთი 12:19

ხვალ
ავსტრალია-სამხრეთ აფრიკა 09:00
ახალი ზელანდია-არგენტინა 11:30

ყოველდღიური სპორტული გაზეთი "ლელო"