გორგოძეს "ტულონთან" წინასწარ ხელშეკრულებაზე ჰქონდა ხელი მოწერილი. "ტულონის" ხელმძღვანელები პირველ თებერვალს ელოდებოდნენ, რათა მას ოფიციალური კონტრაქტის პირობებზე დალაპარაკებოდნენ. საფრანგეთის რაგბის ნაციონალური ლიგის (LNR) წესდების თანახმად, სხვა გუნდის მოთამაშესთან ოფიციალური ხელშეკრულების გაფორმება სწორედ პირველ თებერვლამდეა აკრძალული.
"მონპელიემ" ტულონელთა განზრახვის შესახებ კარგად უწყოდა და, ცხადია, ყველა ღონე იხმარა, რაგბის ქართველი ვარსკვლავი
"მოხარული ვარ, ჟულიენ ტომამ და მამუკა გორგოძემ "მონპელიეში" დარჩენა რომ ისურვეს. ეს კარგია, რადგან ისეთი "მტაცებლები", "ტულონის" ხელმძღვანელები რომ არიან, პირში ჩალაგამოვლბულნი დარჩნენ. მათ ჩვენი გუნდის დაშლა უნდოდათ."
აღსანიშნავია, რომ გორგოძესა და ცხრა ნომერ ჟულიენ ტომას გარდა კლუბთან სამწლიანი კონტრაქტი გააფორმეს საქართველოს ნაკრების შერკინების ბურჯმა გიორგი ჟღენტმა და საფრანგეთის ნაკრების მესამეხაზელმა ფულენსე უოდრაოგომ. ორწლიანი კონტრაქტები - არგენტინელებმა მარტინ ბუსტოს მოიანომ, სანტიაგო ფერნანდესმა და ხუან ფიგალომ.
"ტულონის" პრეზიდენტი მურად ბურჯელალი "მონპელიეს" მიერ გორგოძესთან გაფორმებულ კონტრაქტს აპროტესტებს და გალტიეს გამონათქვამითაც აღშფოთებულია:
"ჟულიენ ტომას "მონპელიეში" დარჩენა სურს? დარჩეს. მას შესანიშნავ მწვრთნელთან მოუწევს მუშაობა. ეს კარგი არჩევანია, რადგან ის "მტაცებლებს" არ დანებდა. გალტიე კი მართლაც ბრწყინვალე მწვრთნელია, თუმცა ვერაფრით იტყვი, რომ თავმდაბლობით გამოირჩევა. როცა ეს ბიჭი ლაპარაკობს, ცხვირი მაღლა უჭირავს და ცას გაჰყურებს, გეგონება, მთელი საფრანგეთი მის ფერხთაა გართხმული.
რაც შეეხება გორგოძეს, ვაპირებ, ბოლომდე დავიცვა ჩვენი გუნდის ინტერესები. არსებობს კანონი, რომელსაც ყველა უნდა ემორჩილებოდეს. ჩვენ გვყავს ადვოკატები, რომლებიც საბელით მიჭირავს, არადა, თუ მივუშვი, ძალზედ მწარედ იკბინებიან", - თქვა მურად ბურჯელალმა.
ძნელი სათქმელია, როგორ განვითარდება მოვლენები. ერთი კი ცხადია, გაუნათლებელი ადვოკატები არც "მონპელიეს" ეყოლება და, ალბათ, კარგად იცოდნენ, რასაც აკეთებდნენ.
.
