თბილისელი ოქსანა კალაშნიკოვა (წყვილებში რეიტინგით 84-ე) პოლონელ ალისია როსოლსკასთან (31-ე) ერთად შვედურ ბასტადში ჩოგბურთელ ქალთა საერთაშორისო ტურნირში (საპრიზო ფონდი 226.750 დოლარი) მონაწილეობს. წყვილთა პაექრობის სტარტზე მათ, როგორც გაუწყეთ, რუმინულ-ტაილანდური დუეტი ჩამოიშორეს გზიდან.
26 ივლისს მეოთხედფინალში კიდევ ერთ წარმატებას მიაღწიეს: ოქსანამ და ალისიამ იოლად სძლიეს ჯესიკა მურესა (ავსტრალია, 148-ე) და პრარტანა ტომბარეს (ინდოეთი, 143-ე), რომლებმაც პირველ წრეში ანას ზაიას (გერმანია, 177-ე) და სილვა სოლერ-ესპინოზას (ესპანეთი, 111-ე) მოუგეს.
ქართულ-პოლონური ტანდემის ნახევარფინალური მეტოქე დღეს გამოვლინდება: ერთმანეთს კორნელია ლისტერი (შვედეთი, 117-ე), ალექსანდრინა ნაიდენოვა (ბულგარეთი,
პრაღის 80.000-იანი საერთაშორისო ტურნირის ერთეულთა პაექრობის პირველ წრეში 26 ივლისს სოფიო შაფათავამ კვალიფიკაციიდან აღზევებულ კამილა როსატელოსთან (იტალია) წააგო - 6:7, 6:4, 0:6.
ქართველ ჩოგბურთელს წყვილებში რევანშის აღების შანსი არ მიეცა: ჩვენებური ინდოელ ანკიტა რაინასთან ერთად ასპარეზობს.
შეჯიბრების პირველ დღეს მათ ტურნირის რეიტინგფავორიტები - ანასტასია კომარდინა (რუსეთი) და ელიზა კოსტოვა (ბულგარეთი) დაჯაბნეს. გუშინ ქართულ-ინდური დუეტის მეტოქეც გამოვლინდა: ანასტასია პოტაპოვამ (რუსეთი) და დაიანა იასტრემსკამ (უკრაინა) იოლად დაამარცხეს ფიონა ფერო (საფრანგეთი)-კამილა როსატელოს (იტალია) ტანდემი - 6:2, 6:1. მეოთხედფინალური შეხვედრა დღეს გაიმართება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
გამრჯვებას გისურვებთ! აბა თქვენ იცით, გგულშემატკივრობთ პატივისცემით.