პროფესიონალ ჩოგბურთელთა ასოციაციამ (ATP) ახალი რეიტინგი გამოაქვეყნა. სამწუხაროდ, გააგრძელა ვარდნა ნიკოლოზ ბასილაშვილმა. ამჯერად, ქართველმა ჩოგბურთელმა ორი საფეხურით უკან დაიხია და მამაკაცთა კლასიფიკაციაში 65-ე ადგილზეა. არადა, დაახლოებით ერთი თვის წინ ბასილაშვილი 51-ე ადგილზე იმყოფებოდა. ეს ვარდნა გამოიწვია ზედიზედ ოთხ ტურნირზე პირველ წრეში წაგებამ. ქართველს 2017 წლის სეზონში უკვე უარყოფითი ბალანსი აქვს - 19 მოგება და 20 წაგება.
დღეიდან, ბასილაშვილი ცინცინატის "მასტერსში" ჩაებმება. ის პირველ წრეში ხორვატ ბორნა ჩილიჩს შეხვდება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]](/pictures/image7/f7f913be9b90e25831c1617d82586db5.jpg "პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]")
