ყაზახმა მოკრივემ გენადი გოლოვკინმა პირველად ვერ შეძლო პროფესიულ რინგზე გამარჯვება, მაგრამ, ისევ დაუმარცხებელი დარჩა კარიერაში.გოლოვკინისა და მექსიკელი საულ "კანელო" ალვარესის შეხვედრა, რომელსაც ბევრმა "წლის ბრძოლა" უწოდა, ლას ვეგასში გაიმართა და ფრედ დასრულდა. 12-რაუნდიანი ბრძოლის შემდეგ, ერთმა მსაჯმა მექსიკელს მიანიჭა გამარჯვება (118:110), მეორემ - გოლოვკინს (115:113), მესამემ გამარჯვებული ვერ გამოავლინა (114:114).
გოლოვკინმა, რომელმაც დაიცვა საშუალო წონაში სამი ტიტული (WBA Super, IBF და WBC), უკვე განაცხადა, რომ სურს განმეორებითი ბრძოლა.
"მინდოდა, რომ დრამატული შოუ გვქონოდა. რა თქმა უნდა, მსურს განმეორებითი ბრძოლის
აქამდე, გოლოვკინს მოგებული ჰქონდა 37-დან 37 ბრძოლა (33 - ნოკაუტით). ალვარესს აქვს 49 მოგება (34 - ნოკაუტით), 2 ფრე და ერთი წაგება.
ყოველდღიური სპორტული გაზეთი "ლელო"
