საქართველოს ქალ ჩოგბურთელთა ნაკრები ბრიტანეთის ქალაქ ბათში ფედერაციის თასზე მონაწილეობს, სადაც ევროპა-აფრიკის B ჯგუფშია წარმოდგენილი. ჩვენი ნაკრები ტურნირზე შემდეგი შემადგენლობით გაემგზავრა: მარგალიტა ჩახნაშვილი-რანზიგერი (კ), ეკატერინე გორგოძე, მარიამ ბოლქვაძე, ზოზია ქარდავა, ოქსანა კალაშნიკოვა.
ჯგუფში საქართველოს ნაკრებთან ერთად სერბეთი, ხორვატია და თურქეთია.
პირველ შეხვედრაში მარიამ ბოლქვაძე (312) სერბ ივანა იოროვიჩთან (117) ორ სეტში 3:6, 1:6 დამარცხდა. ეკატერინე გორგოძეც (151) ასევე ორ სეტში 5:7, 3:6 დამარცხდა ოლგა დანილოვიჩთან (115).
მესამე შეხვედრაში კი წყვილთა თანრიგში მარიამ ბოლქვაძემ და ეკატერინე გორგოძემ სერბთა დუეტი 6:3, 7:5
ხორვატიის ნაკრებთან პირველ მატჩში მარიამ ბოლქვაძე ანა კონიუჰს (547) შეხვდა, რომელთანაც ორ სეტში - 4:6, 3:6 დამარცხდა.
მეორე შეხვედრაში ეკატერინე გორგოძემ იანა ფეტი (262) დაჯაბნა - 4:6, 6:3, 7:5.
გადამწყვეტი მატჩი კი წყვილთა თანრიგში გაიმართა, სადაც ოქსანა კალაშნიკოვა-ეკატერინე გორგოძის წყვილი იურაკი-კონიუჰის დუეტთან 5:7, 1:6 დამარცხდა.
დღეს, 8 თებერვალს საქართველოს ნაკრების მეტოქე თურქეთის ნაკრები იქნება.
ეკატერინე გორგოძე ლონსესტონის ტურნირს პირველივე ეტაპიდან გამოეთიშა
