გერმანელმა ჩოგბურთელმა ალეკსანდრ ზვერევმა ნიკოლოზ ბასილაშვილის დამარცხების შემდეგ Tennis Tv-ის ტელევიზიას მცირე კომენტარი მისცა.
"ამაყი ვარ, რომ გავიმარჯვე. ყოველთვის, გამარჯვება ყოველთვის ყველაზე მნიშვნელოვანია. ჩემი საუკეთესო ჩოგბურთი არ მითამაშია, თუმცა მეოთხედფინალში გავედი, გზას ვაგრძელებ და ეს არის მთავარი.
თამაშის დროს ქარი ქროდა და ძნელი იყო რიტმის დაჭერა. თუმცა, როგორც გითხარით, გავიმარჯვე და ჩემთვის ყველაზე მნიშვნელოვანი ესაა.
იცით რა, როცა ბასილაშვილს ეთამაშები, შენს ხელთ არაფერია, თამაშს შენ ვერ აკონტროლებ. ალბათ, ის ტურში ყველაზე აგრესიული ჩოგბურთელია და ძალიან ბედნიერი ვარ, რომ მეოთხედფინალში გავედი",
- განაცხადა საშამ.
ნიკოლოზ ბასილაშვილი ალეკსანდრ ზვერევთან მონრეალის მასტერსის მერვედფინალში 3 სეტში დამარცხდა - 5:7, 7:5, 6:7. ნიკოლოზმა აღნიშნულ ტურნირზე 90 სარეიტინგო ქულა და 70,325 დოლარი გამოიმუშავა.
ნიკოლოზ ბასილაშვილი ალეკსანდრ ზვერევთან ტაი-ბრეიკში დამარცხდა [VIDEO]
![ბასილაშვილის ადვოკატი: დოროყაშვილი ყველა შეჯიბრების წინ ნიკას წყობიდან გამოყვანას ცდილობდა, US OPEN-ზე ფარულად შეაღწია და სკანდალიც მოუწყო [VIDEO]](/pictures/image7/b1543f04138b1bd5d91a44aa271e7d8c.jpg "ბასილაშვილის ადვოკატი: დოროყაშვილი ყველა შეჯიბრების წინ ნიკას წყობიდან გამოყვანას ცდილობდა, US OPEN-ზე ფარულად შეაღწია და სკანდალიც მოუწყო [VIDEO]")
