29 აგვისტოს, ამერიკის ღია პირველობის მეორე წრეში ნიკოლოზ ბასილაშვილმა 18 წლის ამერიკელ ჯენსონ ბრუკსბის (394) 4 სეტში 3:6, 7:6, 7:5, 6:2 სძლია.
28 აგვისტოს დანიშნული მატჩი წვიმის გამო გადაიდო, 29 აგვისტოს დაიწყო, 3 საათზე მეტხანს გაგრძელდა და 30 აგვისტოს დასრულდა...
აღსანიშნავია, რომ ბასილაშვილს მარჯვენა ხელის ტრავმა აქვს.
ბრუკსბი პირველ სამ სეტში მაგრად ებრძოლა ჩვენებურს, თუმცა შემდეგ გამოცდილებამ და კლასმა თავისი გაიტანა.
მესამე წრეში ნიკოლოზი გერმანელ დომინიკ კოპფერს (118) შეხვდება, რომელიც ტურნირში საკვალიფიკაციო ეტაპიდან ჩაერთო, დღეს კი ამერიკელი რეილი ოპელკა 6:4, 6:4, 7:6 დაამარცხა.
ბასილაშვილი და კოპფერი ერთმანეთს არასოდეს შეხვედრიან, მათი მატჩი კი 31 აგვისტოსაა ჩანიშნული.
შეგახსენებთ, პირველ წრეში ბასილაშვილმა უნგრელ მარტონ ფუჩოვიჩს (65) 3:6, 6:4, 6:2, 3:6, 6:3 მოუგო.
ვინ არის ბასილაშვილის 18 წლის მეტოქე, რომელიც მოგებულ თანხასაც ვერ იღებს
!["აუ, პენალტებს რა გაუძლებს" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]](/pictures/image7/817ca17bde76a44455858778936f6991.jpg "\"აუ, პენალტებს რა გაუძლებს\" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]")
