მსოფლიოს ექსპირველმა ჩოგანმა კარიერა 29 წლის ასაკში დაასრულა

AutoSharing Option
მსოფლიოს ყოფილმა პირველმა ჩოგანმა, დანიელმა კაროლინა ვოზნიაცკიმ კარიერა 29 წლის ასაკში დაასრულა, რისი მიზეზიც რევმატოიდული ართრიტი არის, დაავადება, რომელთან ერთადაც სპორტსმენობა შეუძლებელია.

საკუთარი კარიერის ბოლო მატჩში სკანდინავიური ქვეყნების წარმომადგენლებიდან პირველმა მსოფლიოს პირველმა ჩოგანმა ავსტრალიის ღია ჩემპიონატზე ჩაატარა და მესამე წრეში ონს ჟაბერთან 3 სეტში დამარცხდა - 5:7, 6:3, 5:7.

პროფესიონალურ ჩოგბურთში გატარებულ წლებში ვოზნიაცკიმ ავსტრალიის ღია ჩემპიონატი და კიდევ 29 ტურნირი მოიგო. დანიელმა გოგონამ ორჯერ ითამაშა US Open-ის ფინალში. რეიტინგის სათავეში კი 71 კვირა გაატარა, რაც ჩოგბურთის ისტორიაში მე-9 შედეგია.

ვოზნიაცკიმ
წელი ორჯერ დაასრულა პირველ ნომრად, 8-ჯერ ტოპ-10-ში. 2008-18 წლებში, სანამ დაავადება დაუდგინდებოდა, სეზონში მინიმუმ 1 ტიტულს იგებდა.

მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული